Qazaqstan Respýblıkasy Ulttyq ekonomıka mınıstrliginiń buıryǵy №1

  2015 jylǵy 27 aqpan53 Astana qalasy Turǵyn úılerge qoıylatyn tehnıkalyq talaptardy bekitý týraly «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasy Zańynyń 10-2-babynyń 10-13) tarmaqshasyna sáıkes buıyramyn: 1. Qosa berilip otyrǵan turǵyn úılerge qoıylatyn tehnıkalyq talaptar bekitilsin. 2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty memlekettik tirkegennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa joldanýyn; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr E.DOSAEV «KELISILDI» Qazaqstan Respýblıkasynyń Ishki ister mınıstri Q.Qasymov ____________ 2015 jylǵy 17 naýryz Qazaqstan Respýblıkasy Ulttyq ekonomıka mınıstriniń 2015 jylǵy 27 aqpandaǵy №153 buıryǵymen bekitilgen Turǵyn úılerge qoıylatyn tehnıkalyq talaptar 1. Osy Turǵyn úılerge qoıylatyn tehnıkalyq talaptar (budan ári – Talaptar) «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasy Zańynyń (budan ári – Zań) 10-2-babynyń 10-13) tarmaqshasyna sáıkes ázirlendi jáne turǵyn úılerge qoıylatyn tehnıkalyq talaptardy belgileıdi. 2. Turǵyn úıler qala qurylysy talaptarynyń negizinde sáýlet-josparlaý tapsyrmasynyń talaptaryna sáıkes turǵyn ǵımarattardyń synyptamasy boıynsha bólinedi. 3. Turǵyn úıler paıdalanýdyń barlyq kezeńi ishinde maqsatqa jáne olarǵa qoıylatyn tehnıkalyq talaptarǵa sáıkes bolýǵa tıis. Eskertpe. Turǵyn úı-jaıdy jertólede, tehnıkalyq jáne sokoldyq qabattarǵa ornalastyrýǵa bolmaıdy. 4. Turǵyn úıge mynadaı tehnıkalyq talaptar qoıylady: naqty aýdandar men óńirlerge tán ártúrli faktorlardyń áserin eskere otyryp, tireý jáne qorshaý konstrýksııalarynyń beriktigi, tózimdiligi jáne senimdiligi; ınjenerlik júıelerdiń toqtaýsyz jumys isteýi; normatıvtik shý, dybys oqshaýlaýǵa sáıkestigi; jylýdy qorǵaýdyń normatıvtik kórsetkishterine sáıkestigi; órt qaýipsizdigine sáıkestigi. 5. Turǵyn úıdiń tireý jáne qorshaý konstrýksııalarynyń beriktigi, tózimdiligi jáne senimdiligi talaptaryn oryndaýdy qamtamasyz etý úshin olardy tıisti jaı-kúıde ustaý qajet, olardy paıdalanǵan kezde ózgergishtik bóliginde (syzatqa tózimdilik bóliginde temirbeton konstrýksııalarda) paıda bolǵan buzýshylyqtar adamdardyń qaýipsiz turýy úshin konstrýksııalardyń jumys isteý qabiletiniń jáne tireý qabiletiniń buzylýyna alyp kelmeıdi. 6. Turǵyn úıdiń negizderinde jáne tireý konstrýksııalarynda konstrýksııalardyń ózgerýine nemese syzattardyń paıda bolýyna alyp keletin, olardyń tireý qabiletin tómendetetin jáne olardyń paıdalaný qasıetin nasharlatatyn buzylýlar men zaqymdanýlardyń ártúrli túrlerine jol berilmeıdi. 7. Toqtaýsyz jumys isteý talaptarynyń oryndalýyn qamtamasyz etý úshin turǵyn úıdegi ınjenerlik júıeler Qazaqstan Respýblıkasynyń qoldanystaǵy normatıvtik-tehnıkalyq qujattarynda belgilengen qaýipsizdik talaptaryna jáne jabdyqtardy daıyndaýshy zaýyttardyń nusqaýlyqtaryna, sondaı-aq sanıtarııalyq-epıdemıologııalyq talaptarǵa sáıkes ornalastyrylady jáne montajdalady. 8. Turǵyn úı jańbyr, erigen jáne jerasty sýlarynyń kirýinen jáne ınjenerlik júıelerden yqtımal turmystyq sýdyń aǵýynan konstrýktıvtik quraldar men tehnıkalyq qurylǵylardyń kómegimen qorǵalady. 9. Sýyq jáne ystyq sýmen jabdyqtaý júıeleriniń kommýnıkasııalaryn, káriz tartýdy kóbine ashyq tásilmen nemese qubyrlardy mehanıkalyq búlinýden qorǵaý jónindegi is-sharalardy júrgize otyryp, qabyrǵalardyń qorǵaýshy sylaq qabaty bar jerde, tegis edende, shahtalarda, aspaly tóbelerde kózdeý kerek. 10. Turǵyn úıdiń shý jáne dybys oqshaýlaý talaptarynyń oryndalýyn qamtamasyz etý úshin Qazaqstan Respýblıkasynyń qoldanystaǵy normatıvtik-tehnıkalyq qujattarynda belgilengen shýdyń normatıvtik deńgeıin saqtaý qajet. Turǵyn úıdiń syrtqy jáne ishki qorshaý konstrýksııalarynyń dybys oqshaýlaýy syrtqy shý kózderinen, sondaı-aq ekpindi shýdan jáne ınjenerlik júıeler jabdyqtarynyń shýynan bolatyn dybys qysymyn tómendetýdi qamtamasyz etýge tıis. Páteraralyq araqabyrǵalar joǵarǵy dybys oqshaýlaǵyshpen qamtamasyz etiledi. 11. Sanıtarııalyq-gıgıenalyq úı-jaılarda gıdro, shý jáne diril oqshaýlaý jónindegi normatıvtik-tehnıkalyq talaptar saqtalmaǵan kezde turǵyn úıdiń páteraralyq qorshaý qabyrǵalaryna jáne araqabyrǵalaryna, olardyń bólmeden tys jalǵasatyn jerlerine aspaptar men qubyrlardy bekitýge bolmaıdy. 12. Tireý jáne qorshaý konstrýksııalarynyń jylý qorǵaý talaptarynyń saqtalýyn qamtamasyz etý úshin turǵyn úıdiń qajetti temperatýrasyn qamtamasyz etetin jáne turǵyn úıdiń konstrýksııalarynda artyq mólsherde ylǵaldyń jınalýynyń aldyn alatyn jylý berý jáne aýa kirý kedergilerine sáıkes kelýge tıis. Turǵyn úıdiń syrtqy qorshaý konstrýksııalarynyń jylý oqshaýlaýy 60 % aspaıtyn salystyrmaly ylǵaldylyqty, jylytylatyn úı-jaılardyń temperatýrasy keminde +18°S, sondaı-aq syrtqy sýyq aýanyń kirýinen saqtaıtyn oqshaýlaǵyshty qamtamasyz etedi. 13. Turǵyn úı Qazaqstan Respýblıkasynyń qoldanystaǵy normatıvtik-tehnıkalyq qujattarynda belgilengen órt qaýipsizdigi talaptaryna sáıkes kelýge tıis. Buıryq Qazaqstan Respýblıkasynyń Ádilet mınıstrliginde 2015 jylǵy 23 sáýirdegi Normatıvtik quqyqtyq kesimderdi memlekettik tirkeýdiń tizilimine №10786 bolyp engizildi.