Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy№282

  2015 jylǵy 28 sáýir  Astana qalasy «Qazaqstan Respýblıkasy Densaýlyq saqtaý mınıstrliginiń Formýlıarlyq komıssııasy týraly erejeni bekitý týraly» Qazaqstan Respýblıkasy Densaýlyq saqtaý Mınıstriniń mindetin atqarýshynyń 2013 jylǵy 12 jeltoqsandaǵy № 723 buıryǵyna ózgerister men tolyqtyrýlar engizý týraly Qazaqstan Respýblıkasy Úkimetiniń 2014 jylǵy 23 qyrkúıektegi № 1005 qaýlysymen bekitilgen Qazaqstan Respýblıkasy Densaýlyq saqtaý jáne áleýmettik damý mınıstrligi týraly erejeniń 16-tarmaǵynyń 21) tarmaqshasyna sáıkes buıyramyn: 1. «Qazaqstan Respýblıkasy Densaýlyq saqtaý mınıstrliginiń Formýlıarlyq komıssııasy týraly erejeni bekitý týraly» Qazaqstan Respýblıkasy Densaýlyq saqtaý Mınıstriniń mindetin atqarýshynyń 2013 jylǵy 12 jeltoqsandaǵy № 723 buıryǵyna (Normatıvtik quqyqtyq aktilerdi memlekettik tirkeý tiziliminde № 9090 bolyp tirkelgen, 2014 jylǵy 12 aqpandaǵy «Egemen Qazaqstan» gazetinde № 29 (28253) jarııalanǵan) mynadaı ózgerister men tolyqtyrýlar engizilsin: kórsetilgen buıryqpen bekitilgen Qazaqstan Respýblıkasy Densaýlyq saqtaý mınıstrliginiń Formýlıarlyq komıssııasy týraly erejede: 4-tarmaq kelesi redaksııada jazylsyn: «Osy Erejede qoldanylatyn negizgi uǵymdar: 1) Dárilik preparattyń dáleldengen klınıkalyq tıimdiligi - Kokran dostastyǵynyń jáne (nemese) AQSh Ulttyq medısınalyq kitaphanasynyń derekqorlarynda usynylǵan, Brıtan ulttyq formýlıarynda jáne halyqaralyq klınıkalyq nusqaýlarda, onyń ishinde Ulybrıtanııanyń Ulttyq densaýlyq jáne klınıkalyq jetildirý ınstıtýtynyń klınıkalyq nusqaýlarynda bar meta-taldaýlarda jáne (nemese) júıeli sholýlarda jáne (nemese) randomızırlengen baqylanatyn klınıkalyq zertteýlerde dáleldengen, terapııalyq maqsattardaǵy farmakologııalyq áser; 2) Dárilik zattardyń teris tizimi - naqty kórsetkish boıynsha tıimsizdiginiń dáleldenýine jáne organızm úshin dáleldengen paıdadan asatyn zııannyń paıda bolýyna jáne Formýlıarlyq komıssııa músheleriniń tarapynan erekshe qyzyǵýshylyq pen teris (affılırlengen) túsiniktiń bolýyna baılanysty,Qazaqstan Respýblıkasynyń aýmaǵynda klınıkalyq praktıkada qoldanylýy usynylmaǵan dárilik zattar tizbesi; 3) Respýblıkalyq dárilik formýlıar - klınıkalyq tıimdiligi men qaýipsizdigi dáleldengen dárilik zattardy qamtıtyn, shekti baǵalary kórsetilgen tegin medısınalyq kómektiń kepildik berilgen kólemin kórsetý úshin qalyptastyrylǵan jáne densaýlyq saqtaý uıymdarynda dárilik formýlıarlardy ázirleý men qurý úshin mindetti negiz bolyp tabylatyn dárilik zattar tizbesi.»; 5-tarmaq kelesi redaksııada jazylsyn: «5. Formýlıarlyq komıssııanyń negizgi mindetteri mynalar bolyp tabylady: 1) Qazaqstan Respýblıkasyndaǵy formýlıarlyq júıeni qoldaý jáne jetildirý. Qazaqstan Respýblıkasyndaǵy formýlıarlyq júıeniń damýyn ońtaılandyrý jóninde usynystar men usynymdar ázirleý; 2) Brıtandyq ulttyq formýlıarmen jáne Ulybrıtanııanyń Ulttyq densaýlyq jáne klınıkalyq jetildirý ınstıtýtymen ózara áriptestikte bolý; 3) Respýblıkalyq dárilik formýlıardy ázirleý jáne únemi qaıta qaraý; 4) Respýblıkalyq dárilik formýlıardaǵy dárilik zattar tizbesine negizdelgen dárilik zattardy utymdy qoldaný boıynsha dárigerlerge arnalǵan ulttyq anyqtamalyq qurýǵa qatysý; 5) Qazaqstan Respýblıkasynda qoldaný úshin ázirlengen klınıkalyq nusqaýlardy, dıagnostıka jáne emdeý hattamalaryn, emdeý standarttaryn qaraý; 6) dárilik zattardy utymdy qoldaný jónindegi usynymdardy ázirleý; 7) Qazaqstan Respýblıkasynyń naryǵyna kelip túsetin dárilik zattardyń qaýipsizdigi men tıimdiligin qamtamasyz etýge járdemdesý; 8) dárilik zattardyń baǵalaryn qalyptastyrý men bekitýge qatysý; 9) dárilik zattardyń paıdalanylýyn baǵalaý baǵdarlamasyn engizýge járdemdesý; 10) dárilik zattardyń uqsastyq aýystyrý tizimin ázirleý jáne ózektendirý; 11) dárigerdiń reseptisiz bosatylatyn dárilik zattardyń tizimine ózgerister men tolyqtyrýlar engizý jóninde usynystar daıyndaý; 12) tegin dári-dármekpen qamtamasyz etý júıesin jetildirý jóninde usynymdar daıyndaý; 13) ulttyq jáne óńirlik deńgeılerde aqparattyq ortalyqtardy (nemese dáleldeý medısınasy boıynsha ortalyqtardy), farmakoekonomıkalyq jáne farmakoepıdemıologııalyq zertteýlerdi uıymdastyrý; 14) Dúnıejúzilik densaýlyq saqtaý uıymy men Eýropalyq odaq krıterıılerin esepke ala otyryp, dárilik zattar strategııasyn jáne (nemese) etıkalyq ilgeriletý jyljytý tujyrymdamasyn ázirleý.»; 12-tarmaqtyń birinshi bóligi mynadaı redaksııada jazylsyn: «12. Formýlıarlyq komıssııanyń janynan: 1) materıaldar men otyrystyń kún tártibin daıyndaýǵa, otyrystardyń hattamalaryn resimdeýge, is júrgizýge, muraǵatty júrgizýge jaýapty jumys organy bolyp tabylatyn hatshylyq; 2) úkimettik emes uıymdardyń qatysýymen (kelisim boıynsha) beıini boıynsha jumys toby qalyptastyrylady.»; 20-tarmaq mynadaı redaksııada jazylsyn: «20. Dárilik preparatty Respýblıkalyq dárilik formýlıarǵa (Qazaqstandyq ulttyq dárilik formýlıar ázirlengenge deıin) engizý, alyp tastaý, aýystyrý oblystardyń, Astana jáne Almaty qalalarynyń barlyq formýlıarlyq komıssııalary men respýblıkalyq mańyzy bar densaýlyq saqtaý uıymdarynyń osy Erejege 2-qosymshaǵa sáıkes nysan boıynsha keminde 50% suratý-negizdemesi bolǵan kezde júzege asyrylady.»; 21-tarmaqta: 1) jáne 4) tarmaqshalar mynadaı redaksııada jazylsyn: «1) Kokran dostastyǵynyń jáne (nemese) AQSh Ulttyq medısınalyq kitaphanasynyń derekqorlarynda usynyl­ǵan meta-taldaýlar jáne (nemese) júıeli sholýlar jáne (nemese) randomızırlengen baqylanatyn klınıkalyq zertteýler;»; «4) usynylatyn dárilik zattyń Brıtan ulttyq formýlıarynda jáne halyqaralyq klınıkalyq nusqaýlarda, onyń ishinde Ulybrıtanııanyń Ulttyq densaýlyq jáne klınıkalyq jetildirý ınstıtýtynyń klınıkalyq nusqaýlarynda bolýy.»; mynadaı mazmundaǵy 21-1-tarmaqpen tolyqtyrylsyn: «21-1. Respýblıkalyq dárilik formýlıarǵa (Qazaqstandyq ulttyq dárilik formýlıar ázirlengenge deıin) engizý úshin suraý salý-negizdemeler: respýblıkalyq mańyzy bar densaýlyq saqtaý uıymynan tıisti aýrý beıini boıynsha osy Erejege 2-qosymshaǵa sáıkes kelmeıtin nysan boıynsha usynylǵan; 2) dárilik preparattyń dáleldengen klınıkalyq tıimdiligi men qaýipsizdigin rastaıtyn qujattar nemese negizdemeler tolyq usynylmaǵan jaǵdaılarda odan ári qaraýdan bas tartylady.»; 22-tarmaq mynadaı redaksııada jazylsyn: «22. Dárilik preparatty Respýblıkalyq dárilik formýlıarǵa qosý úshin negizgi krıterıı dárilik formýlıarda (Qazaqstandyq ulttyq dárilik formýlıar ázirlengenge deıin) bar analogtarmen salystyrǵanda basymdyǵy bar bolǵan jaǵdaıda dárilik zatty tańdaý negizdemesimen qajettiligine qaraı dáleldengen klınıkalyq tıimdiligi men qaýipsizdigi bolyp tabylady.». 2. Medısınalyq jáne farmasevtıkalyq qyzmetti baqylaý komıteti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq memlekettik tirkelgen kúninen bastap qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Buıryq Qazaqstan Respýblıkasynyń Ádilet mınıstrliginde 2015 jylǵy 26 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11182 bolyp engizildi.