Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №285

  2015 jylǵy 28 sáýir Astana qalasy Áleýmettik máni bar aýrýlardan zardap shegetin azamattarǵa usynylatyn medısınalyq-áleýmettik kómek kórsetý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 92) tarmaqshasyna, 43-babynyń 2-tarmaǵyna sáıkes buıyramyn: 1. Qosa berilip otyrǵan Áleýmettik máni bar aýrýlardan zardap shegetin azamattarǵa usynylatyn medısınalyq-áleýmettik kómek kórsetý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde belgilengen zańnamalyq tártipte memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń www.mzsr.gov.kz resmı ınternet-resýrsyna ornalastyrýdy; 4) osy buıryqty oblystardyń, Astana jáne Almaty qalalarynyń densaýlyq saqtaý basqarmalaryna málimet úshin jetkizýdi qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V.Soıǵa júktelsin. 4. Osy buıryq alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T. DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi №285 buıryǵymen bekitilgen Áleýmettik máni bar aýrýlardan zardap shegetin azamattarǵa usynylatyn medısınalyq-áleýmettik kómek kórsetý qaǵıdalary 1. Jalpy erejeler 1. Osy Qaǵıdalar (budan ári – Qaǵıdalar) áleýmettik máni bar aýrýlardan zardap shegetin azamattarǵa usynylatyn medısınalyq-áleýmettik kómekti uıymdastyrý jáne kórsetý tártibin aıqyndaıdy. 2. Medısınalyq-áleýmettik kómek – «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 89) tarmaqshasyna (budan ári – Kodeks) sáıkes tizbesi aıqyndalatyn áleýmettik máni bar aýrýlarmen naýqastanǵan azamattarǵa kórsetiletin medısınalyq jáne áleýmettik-psıhologııalyq kómek. 3. Áleýmettik máni bar aýrýlardan zardap shegetin azamattarǵa usynylatyn medısınalyq kómek profılaktıkalyq, emdeý-dıagnostıkalyq qyzmetterdi, qalpyna keltirý emin, medısınalyq ońaltýdy, pallıatıvtik jáne áleýmettik-psıhologııalyq kómekti qamtıdy. 4. Medısınalyq uıymdarda áleýmettik máni bar aýrýlardan zardap shegetin azamattarǵa medısınalyq-áleýmettik kómek Kodekstiń 6-babynyń 7-tarmaǵyna sáıkes tegin medısınalyq kómektiń kepildik berilgen kólemi sheńberinde kórsetiledi. 2. Medısınalyq-áleýmettik kómekti kórsetý tártibi 5. Áleýmettik máni bar aýrýlardan zardap shegetin azamattarǵa medısınalyq-áleýmettik kómek mynadaı nysandarda usynylady: 1) ambýlatorııalyq-emhanalyq kómek (konsýltasııalyq-dıagnostıkalyq kómek); 2) stasıonarlyq kómek; 3) stasıonardy almastyratyn kómek; 4) qalpyna keltirip emdeý jáne medısınalyq ońaltý; 5) pallıatıvtik kómek jáne meıirger kútimi; 6) áleýmettik-psıhologııalyq kómek. 6. Áleýmettik máni bar aýrýlardan zardap shegetin azamattar anyqtalǵan jaǵdaıda jalpy praktıka dárigerleri, ýchaskelik terapevter jáne pedıatrlar olardy beıindi mamandarǵa, psıhologqa jáne áleýmettik qyzmetkerge konsýltasııaǵa jiberedi. 7. Áleýmettik máni bar aýrýlardan zardap shegetin azamattarǵa konsýltasııalyq-dıagnostıkalyq kómek medısınalyq kómek kólemin qamtıdy, ol tıimdiligi barynsha dáleldengen profılaktıkalyq, dıagnostıkalyq jáne emdeý is-sharalarynyń negizinde medısınalyq kórsetilimder boıynsha aıqyndalady. 8. Áleýmettik máni bar aýrýlardan zardap shegetin azamattarǵa dıspanserlik baqylaý júrgiziledi. 9. Medısınalyq kórsetilimder bolǵan jaǵdaıda mamandar áleýmettik máni bar aýrýlardan zardap shegetin azamattardy táýlik boıy medısınalyq baqylaıtyn medısınalyq uıymǵa jiberedi. 10. Stasıonarlarda medısınalyq kómekti Qazaqstan Respýblıkasy densaýlyq saqtaý mınıstriniń mindetin atqarýshynyń 2009 jylǵy 26 qarashadaǵy № 799 buıryǵymen (Normatıvtik quqyqtyq aktileriniń memlekettik tirkeý tiziliminde № 5949 bolyp tirkeldi) bekitken medısınalyq kómektiń túrleri jáne kólemi boıynsha mamandar áleýmettik máni bar aýrýlardan zardap shegetin azamattarǵa kórsetedi. 11. Bastan ótkergen jiti aýrýlardan keıin, sozylmaly aýrý asqynǵan jáne jitileý aýrý nysandary kezinde áleýmettik máni bar aýrýlardan zardap shegetin azamattarǵa qalpyna keltirý emi jáne medısınalyq ońaltý kómegi kórsetiledi. 12. Qalpyna keltirý emi jáne medısınalyq ońaltý, onyń ishinde balalardy medısınalyq ońaltý mynadaı jaǵdaılarda: 1) jiti aýrýdy (konservatıvtik, operasııalyq) qarqyndy emdegennen keıin jáne aýrýdyń jitileý kezeńinde; 2) týa bitken jáne júre paıda bolǵan aýrýlar kezinde, sondaı-aq jiti, sozylmaly aýrýlar men jaraqattardyń saldarynan bolǵan aýrýlar kezinde, naýqastyń fızıkalyq, psıhıkalyq jáne áleýmettik áleýetin ońtaıly iske asyrýǵa qol jetkize jáne ony qoǵamǵa barynsha barabar yqpaldastyra otyryp, aýrý saqtalǵan kezeńde; 3) operasııadan keıin asqynýlar bolmaǵan jaǵdaıda júrgiziledi. 13. Áleýmettik máni bar aýrýlardan zardap shegetin azamattar qalpyna keltire emdeıtin jáne medısınalyq ońaltatyn, onyń ishinde balalardy medısınalyq ońaltatyn medısınalyq uıymdarda em alýy úshin, ambýlatorııalyq-emhanalyq uıymnyń joǵary medısınalyq bilimi bar medısına qyzmetkerinen joldama, sondaı-aq ýákiletti organ bekitken nysan boıynsha ambýlatorııalyq kartanyń úzindi kóshirmesi bolýy qajet. 14. Jiti jáne sozylmaly áleýmettik máni bar aýrýlardan zardap shegetin azamattarǵa pallıatıvtik kómek pen meıirger kútimi «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 53-babynyń 3-tarmaǵyna sáıkes kórsetiledi. 15. Turǵyn úı-turmys jaǵdaılary nashar jáne otbasyndaǵy janjaldy jaǵdaılarda tósektik rejımdi qajet etetin áleýmettik máni bar aýrýlardan zardap shegetin azamattarǵa kúndizgi stasıonar jaǵdaıynda jáne úı jaǵdaıyndaǵy stasıonarda pallıatıvtik kómek pen meıirger kútimin kórsetýge jol berilmeıdi. 16. Áleýmettik máni bar aýrýlardan zardap shegetin azamattarǵa áleýmettik-psıhologııalyq kómek kórsetiledi. Buıryq Qazaqstan Respýblıkasynyń Ádilet mınıstrliginde 2015 jylǵy 29 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11226 bolyp engizildi.