Balmuzdaq, tort, shokolad, irimshik, ıogýrt

Qazir munyń bári bıe sútinen jasalady Almaty oblysynda kásipker О́temis Mahanovtyń sharýashylyǵyn bilmeıtin adam kemde-kem. Ol birneshe jyldan beri bıe sútinen jasalatyn taǵamdar daıyndaýmen aınalysyp keledi. Jaqynda kásipker bıe sútinen balmuzdaq, tort, shokolad, irimshik, ıogýrt jasaýdy da qolǵa aldy. Kásipker bala kezinen jyl­qy baılap, bıe saýýǵa qyzyǵyp ós­ken eken. Keıin jigit shaǵynda jylqy sharýa­shylyǵymen aınalysa bastaǵan. Al el aǵasy ja­syna jetken kezde jyl saıy­n memleketten sýbsıdııa alyp, qymyz ben shubat óndirý­di ká­sipke aınaldyrǵan. Qazir is adamy sonyń jemisin kórip otyr. О́ziniń aıtýynsha, jurt ara­synda ózi óndiretin taǵamdarǵa qy­zyǵýshylar kóbeıip keledi. – Meniń jyl saıyn jaz bastalysymen qymyz ben shu­batty satý úshin bazarlar men qymyzhanalardyń esigin tozdyrǵan kezderim boldy. Qazir de halyqty qymyzǵa úı­retýdi toqtatqym kelmeıdi. Júr­gen jerimde qymyzdyń, shu­bat pen saýmaldyń qasıetin aıtyp kelemin, – deıdi ol. – Qymyz qasıetti sýsyn bolǵandyqtan, tazalyqty, ashytý tehnologııasyn jiti saq­taýdy jáne ydystyń sapaly bolýyn qajet etedi. Qymyzdyń bir ózi adam dene­siniń kúsh-qýatyn arttyrady, búırek pen baýyrdy qa­nyq­tyrady, qan tamyrlaryn tazalaıdy. Al saýmaldy, ıaǵnı jańa saýylǵan bıeniń sútin adamdar kóbine emdik qasıeti úshin ishedi, – deıdi taǵy kásipker. Búginde О́temis Maha­nov­tyń sharýashylyǵynan shyqqan ónimderdi zertteý úshin shetel mamandary keledi eken. Jaqynda japondar da at izin sala bastapty. Olar dúken sórelerinen bıe sútiniń negizinde jasalǵan taǵam túrlerin kórip tańǵalysypty. Olardyń arasynda qantsyz, konservantsyz tabıǵı balmuz­daqtyń dámin tatyp kórgen. Dastan KENJALIN, «Egemen Qazaqstan»