Kún tártibi belgilendi

Keshe Parlament Májilisiniń Tóraǵasy Baqtyqoja Izmuhambetovtiń jetekshiligimen Májilis bıýrosy ótti, dep habarlady osy palatanyń baspasóz qyzmeti. Onda aldaǵy jalpy otyrys­tyń kún tártibi qaralyp, depýtattar nazaryna Saýd Arabııa­sy Koroldigimen tabysqa salynatyn salyqtarǵa qatysty qosar­lanǵan salyq salýdy boldyrmaý jáne salyq salýdan jaltarýǵa jol bermeý týraly úkimetaralyq konvensııany jáne oǵan Hattamany ratıfıkasııalaý týraly zań jobasy usynylatyn boldy. Sondaı-aq, osy kúni Májilis depýtattary ilespeli qujatpen «Jábirlenýshilerge zııandy óteý qory týraly» zań jobasyn jumysqa qabyldaıdy dep kútilýde. Jalpy otyrysta depýtattar 1998 jylǵy 6 shildedegi Qazaqstan men Reseı arasyndaǵy Jer qoınaýyn paıdalanýǵa arnalǵan egemendik quqyqtardy júzege asyrý maqsatynda Kaspıı teńizi soltústik bóligi­niń túbin mejeleý týraly keli­simge Hattamaǵa ózgeris engizý týraly Hattamany, sonymen qatar, TMD-ǵa qatysýshy mem­leketterdiń aýmaqtarynda birlesken jedel-tergeý toptaryn qurý tártibi men olardyń qyzmeti týraly kelisimdi ratı­fıkasııalaýǵa baılanys­ty beıindi komıtetterge qory­tyndy ázirleý merzimin taǵa­ıyn­daıtyn bolady.