«Lıradan» tónetin qaýip bar ma?

Almaty qalasynda Ener­­getıka mınıstrliginiń quzy­ryna kiretin Iаdrolyq fızıka ınstıtýty jumys isteı­di. Bul ınstıtýt 1957 jyly halqymyzdyń birtýar uly, akademık Qanysh Sátbaevtyń bastamasymen qurylǵan eken. Respýblıka aýmaǵynda onyń úsh mekemesi bar bolsa, sonyń biri kenshiler qalasy – Aqsaıda ornalasqan. Bul nysan «Lıra» degen ataýǵa ıe. Buǵan deıin jergilikti turǵyndar ony radıasııalyq sáýle taratady degen oıda bolyp kelgeni jasyryn emes. Ekinshiden, olar kezin­de osyndaı qaýipti dep sanala­tyn ári atqaratyn qyzme­ti kópshilikke túsinik­siz­deý nysannyń qandaı qa­jettiligi bar degen usy­nys-pikirlerin de qosa bil­dirgen bolatyn. Kópshi­likti tolǵandyryp, ári alań­­datyp kelgen osyndaı saýal­­darǵa Oral óńirine kel­­gen sapary kezinde gazet til­­shisine Iаdrolyq fızıka ıns­­tıtýtynyń bas dırektory Saıanbek Sahıev tıisti jaýaptar qaıtardy. Onyń túp-tórkini tómendegideı. Iаǵnı, onyń málimdeýinshe, atalǵan ınstıtýttyń bas­ty maqsaty radıasııalyq qaýipsizdikti qamtamasyz etýge jáne reaktorlyq zertteý­ler júrgizýge baǵyttalǵan. Sonymen birge, ınstıtýt janynda keshendi ekologııalyq zertteýler ortalyǵy jumys isteıdi. Bar bolǵany osy ǵana. Munda turǵan eshqandaı qu­pııa joq. Tipti, kelemin, kóre­min degen azamattar úshin biz­diń ınstıtýttyń da, «Lıra» nysanynyń da esigi qashan da ashyq, dedi ol. Iаdrolyq fızıka ınstıtýty bas dırektorynyń sózinen taǵy bir uqqanymyz, bıyl «Lıranyń» qurylǵanyna 18 jyl tolyp otyr eken. Osy ýaqyt aralyǵynda munda adam ómirine qaýip týǵyzatyndaı teris ekologııalyq kórinister tirkelmepti. Instıtýt basshysy aldaǵy ýaqytta da mundaı jaǵdaılar oryn almaıtynyna senim arta alady. Endeshe, laıym da solaı bola bersin demekpiz. Temir QUSAIYN, «Egemen Qazaqstan» Batys Qazaqstan oblysy, Bórli aýdany