Bekbolat Tileýhanov: «Jer - halyqtyń asyraýshysy»

ASTANA. 14 mamyr. Búgin ulttyq mýzeıde ótip jatqan Jer reformasy jónindegi komıssııa tyrysynda Parlament Májilisiniń depýtaty Bekbolat Tileýhanov jer máselesine baılanysty óz oıyn bildirip, jer halyqtyń basty asyraýshysy degendi aıtty. Bul týraly egemen.kz tilshisi habarlady. Jıynda sóz alǵan Bekbolat Tileýhanov Jer reformasyn qaıta qaraýda biz halyqtyń múddesin qorǵaıtyn tusyn basty nazarǵa alýymyz kerek dedi. Sondaı-aq, ol: «Aǵaıyndar, jer - bizdiń basty baılyǵymyz, asyraýshymyz, babalarymyzdan qalǵan mura. Sondyqtan da daýǵa baılanysty daýryǵyp, bılikke kiná artpaýymyz kerek. Elbasynyń tapsyrmasyna sáıkes arnaıy komıssııa quryldy. Endi biz qazaq dalasynyń bolashaǵy úshin egjeı-tegjeı Jer kodeksin qaıta qarap, jumys jasaımyz. Jerdi qorǵaý, qasterleý bárimizdiń maqsat-muratymyz», – dedi. Sonymen qatar, májilismen: «Eldiń jerge degen mahabbaty, búlkildegen júregi, qamqorlyǵy qazaq degen ulttyń qaısar ekenin taǵy bir kórsetti. Alaıda, jer satylady eken, qytaılyqtar qaptaıdy degen sóz jalǵan. Bul tıisti mınıstrlikterdiń, bizdiń durys jumys jasaı almaǵanymyzdan oryn aldy. Halyq narazylyq tanytty. Aınalaıyn aǵaıyn, jer satylmaıdy, tek otandyq kásipkerler Jer-anaǵa aqsha quıyp, túletip, eldiń ekonomıkasyn kótere alady», – dedi. Talǵat Raıymbekov. Derek, foto: egemen.kz.