Bilim • 02 Qyrkúıek, 2021
Jańa oqý jylynyń alǵashqy kúni Qostanaı oblysynyń eki birdeı eldi mekeninde qazaq mektebi ashyldy. Tobyl beketinde Bilim kúni merekesinde esigin aıqara ashqan jańa mektep bıyl 130 bala qabyldaıdy. Al Qarasý aýdanynyń ortalyǵynda paıdalanýǵa berilgen qazaq mektebinde 320 bala oqıtyn bolady. Jalpy, soltústikte qazaq mektepteriniń azdyǵy jıi aıtylyp júrgen másele. Biraq batpandap kirgen keseldiń mysqaldap shyǵatyny sııaqty, Tobyl óńirindegi memlekettik tilde bilim beretin mekemeler sany jyl ótken saıyn eselenip keledi.
Aımaqtar • 02 Qyrkúıek, 2021
Bıylǵy qurǵaqshylyq Qostanaı óńirindegi sharýashylyqtarǵa ońaı tıgen joq. Dıqandar dán sińirý naýqanyn oıdaǵydaı aıaqtaǵanymen, jaz jańbyrsyz bolyp, aptap ystyqtan kóktemde egilgen dánniń 40 paıyzǵa jýyǵy kúıip ketti. Endi biraz sharýashylyqtar nesıe tóleminiń merzimin kelesi jylǵa shegerýdi surap otyr.
Aımaqtar • 02 Qyrkúıek, 2021
Mektepter sanıtarlyq talapqa saı
Qostanaı oblysynda bıyl 12 myńǵa jýyq bala birinshi synypqa barady. Tuńǵysh ret mektep tabaldyryǵyn attaǵaly otyrǵan oqýshylar úshin áleýmettik ara qashyqtyqty saqtaı otyryp, taza aýada saltanatty jıyn uıymdastyrylyp, ár balaǵa «Álippe» úlestirildi. Sondaı-aq oqýshylar 1 qyrkúıekte ótken Táýelsizdiktiń 30 jyldyǵy men Ybyraı Altynsarınniń 180 jyldyǵyna arnalǵan synyp saǵattaryna qatysty. Synyp saǵattary uly aǵartýshynyń «Kel, balalar, oqylyq» atty óleńinen bastaldy.
Týrızm • 27 Tamyz, 2021
Reseıdiń belgili vıdeoblogeri Iýrıı Dýdtiń suhbattary shynaıy keledi. Birde Youtube arnasynan aktrısa Irına Gorbachevamen áńgimesin tyńdap qaldym. Suhbat barysynda aktrısa óz ómirinde sózben aıtyp jetkize almaıtyn eń ǵajaıyp áserdi Kalıfornııadaǵy «Sekvoıa» ulttyq saıabaǵy men Qazaq dalasynan alǵanyn aıtady.
Tarıh • 26 Tamyz, 2021
Qostanaıdaǵy Ybyraı Altynsarınniń memorıaldyq mýzeıinde bıyl uly aǵartýshynyń 180 jyldyǵyna oraı birqatar ıgi shara qolǵa alynyp otyr. Máselen, osydan bir-eki aı buryn mýzeı qyzmetkerleri bıdiń búgingi urpaqtary men óńirge belgili sýretshilerdiń basyn qosqan. Osy jıynda Ybyraıdyń atalas týystary Balǵoja Jańbyrshyulynyń bet-álpeti, syrtqy keskin-kelbeti qandaı bolǵanyn, al mýzeı qyzmetkerleri bul týraly tarıhı qujattarda saqtalyp qalǵan derekter ne deıtinin sóz etken. Odan keıin osy jıynda aıtylǵan áńgime negizinde sýretshiler baıqaýy jarııalanyp, nátıjesinde araǵa bir jarym-eki aı salyp Balǵoja bıdiń sýreti daıyn boldy.
Qazaqstan • 25 Tamyz, 2021
Qostanaı oblysynyń turǵyndary karantın tártibine baılanysty engizilgen shekteý talaptaryn buzýyn toqtatar emes. Muny ótken aptanyń sońynda uıymdastyrylǵan reıd sharalary barysynda oblys ortalyǵy men Qostanaı, Amangeldi, Naýyrzym aýdandarynda ótip jatqan 5 toı men eki astyń ústinen túsken monıtorıngtik top revızorlary aıtyp otyr.
Aýyl • 25 Tamyz, 2021
Jaıylymy joq aýyldyń jaıy múshkil
Jaıylymǵa jarymaı taryǵyp otyrǵan aýyldyń bolashaǵy týraly áńgime aıtýdyń ózi ábestik sııaqty. О́kinishke qaraı, egin sharýashylyǵy damyǵan óńirlerde mundaı eldi mekender jıi kezdesedi. Ushy-qıyry joq astyq alqaptary kezinde jaılaýǵa bergisiz bolyp jaıqalyp jatatyn jaıylymdardy shetinen kemirip, qarasha aýyldardy aınala qysyp tastaǵan.
Aımaqtar • 24 Tamyz, 2021
«Qazaqstannyń 100 jańa esimi» jobasy jeńimpazdarynyń ótken ómir ótkelderi men baǵyndyrǵan bıik belesterine zer salyp kórgen adam tabystyń taban astynda kelmeıtinine kóz jetkize túsedi. Búginde irgeli sharýashylyqty basqaryp, elimizdiń ekonomıkalyq-áleýmettik damýyna eleýli úles qosyp júrgen Inna Korneevanyń taǵdyry da qaıyspas qaısar minez ben tabandy eńbektiń qospasynan órilgen.
Aımaqtar • 22 Tamyz, 2021
Jurtty dúrliktirgen juldyzqurt
Qostanaı oblysynda juldyzqurt kóbeıip ketti. Damı kele kóbelekke aınalatyn bul zııankester aýyl sharýashylyǵy alqaptary men úı aýlalaryndaǵy baý-baqshalardy jumsaq japyraqsyz qaldyryp, jolynda kezdesken ósimdiktiń bárin talǵamaı jaıpap óte shyǵady eken. Mamandardyń aıtýynsha, tipti bir túnde bútin bir kúnbaǵys ne zyǵyr alqabyn daqylsyz qaldyrýy múmkin. Kóbelek juldyzqurttarynyń úlken kóshi Reseıden shyǵyp, Qostanaı oblysy arqyly Batys Qazaqstanǵa bet alyp barady eken.
Aımaqtar • 20 Tamyz, 2021
«Vaksına qabylda!» aksııasy bastaldy
Qostanaıǵa Qytaıdyń Sinofarm kompanııasy shyǵarǵan Vero Cell vaksınasynyń 43 myń dozasy jetkizildi. Oblystyq densaýlyq saqtaý basqarmasynyń málimetinshe, qazir jańa ákelingen vaksına óńirdegi ekpe pýnktterine taratylyp jatyr.
