Qoǵam • 10 Qyrkúıek, 2021

Amanat arqalaǵan «Amanat»

35 ret kórsetildi

Qostanaıda damý ereksheligi bar balalarǵa arnalǵan túzetý ortalyǵy ashyldy. «Amanat» dep atalatyn jańa korreksııalyq ortalyq qazirshe aqyly túrde jumys istep jatyr. Biraq ata-analar túptiń túbinde balalarymyz bul jerde tegin tárbıelenetin bolady degen úmitte.

Erekshe balalardy kúnde­lik­ti turmysqa qajet qalypty daǵdyǵa úıretetin ortalyq ashý týraly bastama alǵash 2018 jyly úkimettik emes uıym­dardyń oblystyq re­sýrs­­tyq ortalyǵy ótkizgen áleý­mettik ıdeıa­lar men jobalar jár­meńkesinde kóterilipti. Osy sharadan keıin týmysynan aýtızm dertine shaldyqqan balǵyn­dardyń ata-analary Stop autism qoǵamdyq qoryn quryp, jeke jumys bólmesin jalǵa alyp, álgi bastamany iske asyrýǵa kirisken. Kóp bo­lyp kúsh biriktirip, úsh jyl boıy úzilmegen tabandy jumystyń nátıjesinde úlken derbes ǵımaraty bar túzetý ortalyǵy paıda boldy.

Korreksııalyq ortalyq or­na­lasqan úsh qabatty jańa ǵımaratty Stop autism qoǵam­dyq birlestiginiń janashyry, qostanaılyq kásipker Janat Bertebaev turǵyzypty. 20-dan astam tárbıeshi maman eńbek etetin ortalyqta jeke jat­tyǵýlar ótkizýge arnalǵan 13 kabınet bar. Munda túrli baǵytta damytýǵa arnalǵan 9 top jumys isteıdi. Bul top­tar­dyń biri Daýn sındromy bar balalarmen jumys isteýge arnalǵan.

«Qazir bul topta 70 bala bar. Alaıda biz bala sany bu­dan eki ese kóp bolsa da úlgerip jumys júrgize alamyz. Qazir ar­naıy qurylǵylar sanyn kó­beıtip, qosymsha satyp alyp jatyrmyz. Jaqynda ob­lystyq kásipkerlik bas­qar­ma­sy arqyly 5 mln teńgeniń grantyn utyp aldyq. Bul qar­jyny sensorlyq bólmege dıdak­tıkalyq materıaldar satyp alýǵa jáne dına­mı­kalyq damytý zalyna qajet dúnıe­ler­di alýǵa jumsamaqpyz», dedi or­­ta­lyq quryltaıshysy, Stop autism qo­ǵamd­yq birles­ti­gi­niń basshysy Shynar Jalmuha­medova.

Ortalyq qazir erekshe balalar men olardyń ata-analaryna arnalǵan «Ystyq nan» áleýmettik bıznes-jo­basyn qolǵa alyp otyr. Joba aıa­synda jumyssyz úıde otyrǵan ata-analardy kásipke qaıta daıar­lap, naýbaıhanalarǵa ju­mys­qa ornalastyrý kózdelgen.

 

QOSTANAI

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar