Foto: Polisia.kz
Krımınaldyq polısııa qyzmetkerleri arnaıy operasııa barysynda memlekettik shekara arqyly zańsyz tranzıt uıymdastyrý áreketiniń jolyn kesti. Jedel is-shara kezinde kórshi eldiń azamaty ustaldy. Tergeý málimetinshe, ol óz otandastaryn Reseı arqyly Qazaqstan aýmaǵyna zańsyz kirgizýdiń shemasyn jasaǵan.
Kúdikti óz josparyn júzege asyrý úshin júk kóligin paıdalanǵan. Tekserý barysynda MAN truck markaly kóliktiń ishinen adamdardy jasyryn tasymaldaýǵa arnalǵan arnaıy jabdyqtalǵan qupııa oryn anyqtaldy. Avtokólik tárkilenip, aıyp turaǵyna qoıyldy.
Qazirgi ýaqytta kúdiktige qatysty sotqa deıingi tergeý amaldary júrgizilip jatyr. Oǵan zańsyz kóshi-qondy uıymdastyrý, kólik quralyn paıdalaný arqyly qylmystyq áreket jasaý faktileri boıynsha is qozǵalǵan.
Quqyq qorǵaý organdary bul iske qatysy bolýy múmkin basqa tulǵalardy anyqtaý jumystaryn jalǵastyryp jatyr.
