Jergilikti zań shyǵarýshylar usynǵan bastamalar qabyldansa, jasy 55-ten asqan jáne keminde 15 jyl túrmede otyrǵan sottalýshylardyń isteri merziminen buryn bosatý komıssııasynda qaıta qaralýy múmkin. Bul talaptar qylmystyń aýyrlyǵyna qaramastan qoldanylýy yqtımal.
Ekinshi zań jobasy boıynsha, sottalǵandar «qoǵamǵa tikeleı qaýip tóndirmeıdi» dep tanylsa, olardy shartty túrde bosatý múmkindigi keńeıtiledi. Sonymen qatar bosatylǵan adamdar qoǵamdyq baqylaýda bolady, al ótinishteri qabyldanbaǵan jaǵdaıda sebepteri jazbasha túrde túsindirilmek.
SQO-da kolonııa bastyǵy qylmyskerden para aldy degen kúdikpen ustaldy
Sarapshylardyń pikirinshe, bul ózgerister qoǵamda úlken pikirtalas týdyryp otyr. Keıbir mamandar mundaı qadam qylmys qaıtalaný qaýpin arttyrýy múmkin ekenin eskertedi.
Eger zań qabyldansa, bul ereje ómir boıyna sottalǵan keıbir aýyr qylmyskerlerge de áser etýi múmkin. Merziminen buryn bosap shyǵýy múmkin tulǵalardyń arasynda búkil Amerıkany dúr silkindirgen birqatar qatygez qanisherler bar. Olardyń qatarynda eń aldymen 1980 jyly 8 jeltoqsanda Nıý-Iorktegi qonaq úı mańynda tanymal ánshi, kompozıtor Djon Lennondy atyp óltirgen Mark Devıd Chepmen bar. Sonymen qatar 1976-1977 jyldary Nıý-Iorkte alty adamdy óltirip, jeti adamdy jaralaǵany úshin jazasyn ótep jatqan «Semniń uly» laqap atymen tanymal Devıd Berkovıs pen 1993 jyly Long-Aılend temirjolyndaǵy atys kezinde alty adamnyń ómirin qıyp, 19 adamdy jaralaǵan serııaly qanisher Kolın Fergıýson da osy tizimge iligýi múmkin
Qazirgi tańda qujattar Nıý-Iork zań shyǵarýshy organdarynda qaralyp jatyr, al sheshimniń qashan qabyldanatyny áli belgisiz.
