Stýdentter men oqýshylarǵa oblystyq kásipkerler palatasynda arnaıy oqý kýrsyn támamdaǵan ustazdar sabaq beredi. Kásipkerler palatasynyń málimetinshe, shilde jáne tamyz aılarynda mektep muǵalimderi úsh lek bolyp bilim jetildirý kýrstarynan ótken. Al oqý jylynyń basynda 81 ustaz palata sertıfıkattaryna ıe bolyp, jańa pánnen sabaq bere bastady. Mektep muǵalimderiniń kelesi legin qazan aıynda oqytý josparlanǵan.
– «Kásipkerlik negizderi jáne bıznes» páni mektepterge joǵary oqý oryndary men kolledjderge 2019 jyldan bastap birtindep engizile bastady. Bıyl mende oblystyń ár óńirindegi qazaq mektepterinen kelgen 22 muǵalim oqydy. Qazir olar 10-11-synyp oqýshylaryna bıznes negizderin oqyta bastady. Biraq bul pán keıin 9-synyptarǵa da júre bastaıdy. Jalpy, keleshekte kásipkerlik negizderin 5-synyptan bastap oqytýy múmkin. О́ıtkeni qazirgi jasóspirimderdi psıhologııalyq jaǵynan bızneske erte jastan daıyndaý kerek. Bizdiń kýrstarda oqyǵysy keletin ustazdar oblystyq bilim basqarmasyna nemese kásipkerler palatasyna ótinish bere alady. Bizden sertıfıkat alǵan muǵalimder «Kásipkerlik negizderi jáne bıznes» pánin 5 jyl qatarynan oqytý quqyǵyna ıe bolady, – dedi oblystyq kásipkerler palatasynyń bıznes-treneri Ábýtálip Ámir.
Bilim mekemeleriniń kóbi oqýshylarǵa jańa pándi, qazirshe, qosymsha sabaq retinde usynyp otyr. Alaıda 2021 jyldyń tamyzynda jańartylǵan mazmundaǵy jalpy orta bilim berýdiń tıptik baǵdarlamasyn qabyldaǵan bilim oshaqtarynda kásipkerlik negizderi «Jahandyq quzyrettilik» kýrsynyń aıasynda mindetti pán retinde aptasyna bir ret oqytylatyn bolady.
QOSTANAI
