Ekonomıka • 17 Qańtar, 2023
Saýda sóresindegi otandyq taýardyń úlesi
2022 jyl otandyq saýda salasy úshin de ońaı jyl bolǵan joq. Saýda jelilerindegi sóreler tez bosap, ondaǵy taýarlar baǵasy kúrt qymbattap ketti. Qazaqstandaǵy azyq-túlik ónimderiniń basty monopolısi Reseı edi, ondaǵy jaǵdaı nasharlaǵan soń-aq sóremizdi nemen toltyrarymyzdy bilmeı daǵdaryp qalǵanymyz ras. «Kez kelgen daǵdarysty múmkindik dep qaraý kerek» deıtin jattandy naqyldy taǵy da iske qosqymyz keledi osy jerde. Múmkindik dep qaraıtyn bolsaq, basymyzdan talaı daǵdarys ótti, sonyń birinen synalap jol taýyp, krızısti keri aýnatyp jiberip, ońtaıly qyryn kórsete jónelgen keıs bizdiń ekonomıkada bola qoıǵan joq.
Ekonomıka • 17 Qańtar, 2023
2023 jylǵy kóktemgi dala jumystaryna daıyndyq boıynsha jedel shtabtyń alǵashqy otyrysy ótti. Oblys ákimdikteriniń derekterine sáıkes, bıyl boljamdy egis alqaptary byltyrǵy kórsetkishtermen birdeı bolyp, 23 mln gektardan astam aýmaqty quraıdy.
Ekonomıka • 16 Qańtar, 2023
Ulttyq bank: bazalyq mólsherleme nelikten kóterilmedi?
Ulttyq banktiń Aqsha-kredıt saıasaty komıteti bazalyq mólsherlemeni +/- 1 p.t. dálizimen jyldyq 16,75 paıyz deńgeıinde saqtaý týraly sheshim qabyldady. Bul sheshim Ulttyq banktiń boljamdaryna ınflıasııanyń sáıkes kelýine baılanysty qabyldanǵan. Aılyq ınflıasııa birtindep baıaýlap keledi, biraq ol óziniń ortasha jyldyq mánderinen joǵary kúıinde qalyp otyr.
Bilim • 12 Qańtar, 2023
Sońǵy kezderi saqtandyrý júıesiniń adam ómirin qaýip-qaterden arashalaıtyn ǵana emes, sonymen birge ınvestısııalyq sıpaty da basym bolyp kele jatqany belgili. Sonyń biri – Memlekettik bilim berý jınaqtaý júıesi (MBJJ). Atalǵan baǵdarlama aıasynda kez kelgen ata-ana balasyna arnap elimizde nemese shetelde kásiptik-tehnıkalyq jáne joǵary bilim aqysyn tóleýge jetkilikti qarajat jınaı alady.
Qarjy • 12 Qańtar, 2023
Olardyń dıvıdend tóleýine ruqsat joq Bank – jeke aksıonerlerdiń qarjylyq qoldaýymen jumys isteıtin qarjylyq uıym. Dırektorlar keńesi jyl saıyn jınalyp, túsken tabysty aksıonerlerge bólistiredi, ıaǵnı dıvıdend tóleıdi. Eger bank memleketten qarjylaı kómek alyp, sodan keıin túsken tabysty aksıonerlerge bólip beretin bolsa, bul, árıne, aqylǵa syıymsyz. Memleket bul nársege endi ǵana kóńil aýdardy. Soǵan oraı arnaıy qaýly jobasyn jarııa etti.
Qarjy • 12 Qańtar, 2023
Teńgeleı depozıtke ótinim berý merzimi uzardy Qazaqstanda teńgelik depozıtter boıynsha 10 paıyz mólsherinde ótemaqy (syılyqaqy) tóleýge ótinish berý merzimi uzartyldy. Úkimettiń tıisti qaýlysyna qol qoıyldy jáne ol resmı túrde alǵash jarııalanǵan kúnnen keıin 10 kún ótken ótken soń kúshine enedi. Qujatqa sáıkes bankter salymshylardan ótinishterdi 2023 jyldyń 10 aqpanyna deıin alýdy jalǵastyrady. Osylaısha, buǵan deıin ótinish berip úlgermegen depozıtorlar ótemaqy alý boıynsha kelisimin rastaý múmkindigine ıe.
Ekonomıka • 11 Qańtar, 2023
BJZQ 2021 jyldyń qańtarynan 2023 jyldyń qańtaryna deıingi aralyqta salymshylardyń turǵyn úı jaǵdaıyn jaqsartý úshin bergen 1 345 400 ótinishin oryndaǵan. Ýákiletti operator-bankterde ashylǵan qazaqstandyqtardyń arnaıy shottaryna BJZQ shamamen 3,2 trln teńge aýdardy. Tıisinshe, ýákiletti operatorlardan salymshylardyń jeke zeınetaqy shottaryna 460,4 mlrd teńge qarajat qaıtarylǵan.
Qarjy • 11 Qańtar, 2023
2022 jyl bankter úshin asa jaıly bola qoıǵan joq. Olar tegeýrindi syn-qaterlermen betpe-bet keldi. Úsh reseılik enshiles banktiń sharýasy shatqaıaqtap qaldy. «Sberbank Qazaqstandy» qazaqstandyq «Báıterek» holdıngi satyp alyp, «Bereke bank» degen jańa ataý berdi. «Bank SentrKredıt» reseılik enshiles «Alfa-Bankti» sanksııa tuzaǵynan alyp shyǵyp, Eco Center Bank dep rebrendıng jasap, keıinirek birjola jutyp aldy. Al «VTB Qazaqstan» jumys istep tur. Reseıdegi negizgi bank qazaqstandyq VTB-ny qosymsha kapıtaldandyrdy.
Qarjy • 11 Qańtar, 2023
2022 jyldyń qańtar-qazan aılarynda memlekettik basqarý, qorǵanys jáne mindetti áleýmettik qamsyzdandyrý salalaryna salynǵan ınvestısııa 93,3 mlrd teńgege jetip, bir jyl burynǵy kórsetkishten 2,4 ese asyp túsken.
Qarjy • 11 Qańtar, 2023
Jeke tulǵa bankrottyǵy: sebebi men saldary
Bıyl 3 naýryzdan bastap elimizde jeke tulǵa bankrot bolýǵa ótinish bere alady. Azamattar «jeke tulǵanyń bankrottyǵyn» qoldaný úshin úsh túrli nusqanyń birin tańdaı alady – sottan tys bankrottyq, sot bankrottyǵy jáne tólem qabiletin qalpyna keltirý. 2022 jylǵy 22 jeltoqsanda Memleket basshysy «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zańǵa (Bankrottyq týraly zań) qol qoıdy. Biraq ol resmı jarııalanǵannan keıin 60 kún ótken soń áreket ete bastaıdy.
