Qazir MBJJ baǵdarlamasyna ekinshi deńgeıdegi 4 bank qatysady, jalpy somasy 33,5 mlrd teńgege 22 myń bilim berý depozıti ashylǵan. Endi saqtandyrý uıymdary banktermen qatar halyqqa osy ınvestısııalyq ónimdi usyna alady. 2022 jylǵy 12 qyrkúıekte saqtandyrý uıymdarynyń Memlekettik bilim berý jınaqtaý júıesine qatysýyna múmkindik beretin zańnamalyq túzetýler kúshine engen bolatyn.
MBJJ sheńberinde saqtandyrý shartyn jasasý arqyly ata-analar saqtandyrý uıymy esepteıtin ınvestısııalyq kiriske qosymsha jyldyq 5 paıyzdan 7 paıyzǵa deıingi mólsherde memleket syılyqaqysyn ala otyryp, óz balalaryn oqytýǵa qarajat jınaqtaı alady.
Qarjy naryǵyn retteý jáne damytý agenttiginiń málimetinshe, saqtandyrý óniminiń basqa da artyqshylyqtary bar:
Birinshiden, depozıtke qaraǵanda (8 paıyzdan 10 paıyzǵa deıin) kiristilik mólsherlemesine saqtandyrý shartynyń búkil qoldanylý merziminde kepildik beriledi.
Ekinshiden, Saqtandyrý tólemderine kepildik berý qorynyń kepildigi tolyq jınaqtalǵan somany óteıdi, al Qazaqstannyń depozıtterge kepildik berý qorynyń kepildigi 20 mln teńgege deıingi somany ǵana óteıdi.
Úshinshiden, ata-anasy eńbek etý qabilettiliginen aıyrylǵan nemese qaıtys bolǵan jaǵdaıda, jınaqtalǵan somaǵa qaramastan oqýdyń tolyq quny tólenedi.
Búginde agenttik «memlekettik bilim berý jınaqtaý júıesi sheńberinde ómirdi saqtandyrý» erikti nysanynda saqtandyrýdyń qosymsha synybyn engize otyryp, «ómirdi saqtandyrý» salasy boıynsha saqtandyrý (qaıta saqtandyrý) qyzmetin júzege asyrý quqyǵyna mynadaı saqtandyrý uıymdaryna lısenzııalar berdi:
- «Qazaqstan halyq bankiniń ómirdi saqtandyrý boıynsha «Halyq-Life» enshiles kompanııasy» AQ;
- «Freedom Finance Life» ómirdi saqtandyrý kompanııasy» AQ;
- «Evrazııa» ómirdi saqtandyrý kompanııasy» AQ.
О́mirdi saqtandyrý kompanııalarynyń MBJJ-ǵa qatysýy ata-analardyń kópshiligine balalaryn oqytýǵa qarajat jınaýǵa múmkindik beredi. Bul – memleket sýbsıdııasy bar alǵashqy saqtandyrý ónimi.
