2022 jyldyń qańtar-qazan aılarynda memlekettik basqarý, qorǵanys jáne mindetti áleýmettik qamsyzdandyrý salalaryna salynǵan ınvestısııa 93,3 mlrd teńgege jetip, bir jyl burynǵy kórsetkishten 2,4 ese asyp túsken.
О́ńirlik bóliniste sektordaǵy ınvestısııanyń basym bóligi Túrkistan oblysyna tıesili bolyp shyqty: 24,5 mlrd teńge, jyldyq aqshalaı ósim – 5,4 ese kóp. Kósh basynda 23,3 mlrd teńge ınvestısııany ıelengen (jyldyq ósim – 2,4 ese) elorda men bir jylda 15,9 mlrd teńge qarjy quıylǵan Almaty qalasy (jyldyq ósim – 4,3 ese) bar. Eń tómen kórsetkish byltyr ǵana qurylǵan Ulytaý oblysynda – 16,7 mln teńge.
Qarjylandyrý kózi bólinisine keler bolsaq, kúrdeli salymdardyń 62,1 paıyzy respýblıkalyq bıýdjet esebinen berilse, 28,4 mlrd teńge – jergilikti bıýdjetten, 5,6 mlrd teńge – banktik emes qarajattan, 1,4 mlrd teńge kásiporynnyń jeke qarajatynan túsken.
Ekonomıkanyń órkendeýinde tikeleı sheteldik ınvestısııanyń úlesi de joǵary. Syrtqy ister mınıstrliginiń málimeti boıynsha, 2005-2010 jyldary tikeleı sheteldik ınvestısııanyń 70 paıyzy munaı-gaz salasyna quıylǵan. Al sońǵy úsh jylda úrdis ózgerip, munaı-gaz salasyna jiberilgen ınvestısııa kólemi 45 paıyzdy qurap otyr. Onyń esesine ınvestısııa úshin talasta saýda, aqparat, baılanys, óńdeýshi sektor alǵa shyǵa bastady. Qazaqstanǵa ınvestısııa salyp otyrǵan úzdik 10 el qataryna Nıderland, AQSh, Shveısarııa, Belgııa, Sıngapýr, Qytaı, Ońtústik Koreıa, Fransııa, Ulybrıtanııa jáne Reseı kiretinin de aıta keteıik.
«Investısııalyq saıasatty júzege asyrý týraly aıtar bolsaq, biz ınvestısııa tartýǵa qatysty úsh deńgeıli júıe boıynsha jumys atqaramyz. Shet elderde bizdiń 108 ınstıtýtymyz ekonomıkalyq dıplomatııa saıasatyn júrgizedi. Jyl qorytyndysy boıynsha 3 myńnan astam jańa kompanııamen jumys júrgizdik», deıdi Syrtqy ister mınıstriniń orynbasary Almas Aıdarov.
Jalpy alǵanda, byltyr jyl basynda bolǵan qańtar oqıǵasyna, oǵan ile-shala bastalǵan aýqymdy geosaıası daǵdarysqa qaramastan ınvestorlardyń Qazaqstanǵa qatysty nıeti túzý. 2021 jylmen salystyrǵanda tikeleı sheteldik ınvestısııa kólemi 28 paıyzǵa ósken. Tartylǵan soma kólemi – 23,7 mlrd dollar. Memleket basshysy aldaǵy 7 jylda 150 mlrd dollar ınvestısııa tartýdy Úkimet aldyna úlken tapsyrma etip qoıyp otyr.
Elimizde 12 ońaltý ortalyǵy salynady
Úkimet • Búgin, 13:02
Bıbisara Asaýbaeva Úndistanda tórtinshi ret jeńiske jetti
Shahmat • Búgin, 12:14
Koronavırýsqa shaldyqqan 2 adamnyń jaǵdaıy aýyr
Koronavırýs • Búgin, 11:54
Shveısarııada eki poıyzdyń vagondary relsten shyǵyp ketken
Álem • Búgin, 11:40
Donald Trampqa qarsy qylmystyq is qozǵaldy
Álem • Búgin, 11:10
Almatyda aýa sapasy nasharlaıdy
Aýa raıy • Búgin, 10:41
Uqsas jańalyqtar
