Aýdan ortalyǵynda balalarǵa arnalǵan shaǵyn fýtbol alańy jáne kópbeıindi oıyn alańy salyndy.
Jezdi kentinde 160 oryndyq zamanaýı qos qabatty dene shynyqtyrý-saýyqtyrý kesheni ashyldy. Onda basketbol, voleıbol jáne ózge de buqaralyq sport túrlerimen aınalysýǵa arnalǵan zaldar bar. Aýmaǵy 800 sharshy metrdi quraıdy.
Borseńgir aýyldyq okrýginde de kólemi 550 sharshy metr shaǵyn fýtbol alańy boı kóterdi. Alańdy salýǵa aýdandyq bıýdjetten qarjy bólindi. Terisaqqan aýylynda jabyq fýtbol alańy paıdalanýǵa berildi. Osy jaqsy istiń jalǵasyndaı Qoskól aýylynda jańa vorkaýt alańy ashyldy.
Ulytaý oblysynda Telegram arqyly esirtki satpaq bolǵan qylmystyq top ustaldy
Jańa nysan alańynda turǵyndardyń dene shynyqtyrýmen jáne sportpen aınalysýyna barlyq qajetti jaǵdaı jasalǵan.
3000 shaqyrym jol: 76 jastaǵy aqsaqal Ulytaýdan Parıjge jaıaý bardy
Jańa nysan byltyr paıdalanýǵa berilgen jabyq fýtbol alańynyń janynan boı kóterdi. Bul – aýyldaǵy sport ınfraqurylymyn keshendi túrde damytýǵa baǵyttalǵan mańyzdy bastama. Aldaǵy ýaqytta aýmaqty abattandyrý jumystary jalǵasady. Atalǵan oryndy aýyl turǵyndary men jastar jınalatyn zamanaýı sporttyq-mádenı demalys ornyna aınaldyrýdy josparlap otyr.
Ulytaý oblysy
