Teatr • 09 Sáýir, 2024

Premera qarsańyndaǵy qarbalas

Dál qazir «Astana operada» 11-12 sáýir kúnderi ótetin G.Donı­set­tıdiń «Qońyraý nemese Dáriha­na­shy­nyń neke túni» operasynyń pre­merasyna qyzý daıyndyq júrip jatyr. Shymyldyqtyń ar ja­ǵynda sózben aıtyp jetkizgisiz shy­ǵar­mashylyq tolqynys pen ǵa­jaıyp atmosfera ornaǵan.

О́ner • 08 Sáýir, 2024

Elmar BО́RIBAEV: Shynaıy ónerde shekara joq

Áıgili mýzykalyq áýlettiń iz­basary Elmar Bóribaev – jo­ǵary kásibıligi men sheberligin pash etip kele jatqan daryndy dırıjer. Sońǵy jyldyń ózinde ol Irjı Kılıannyń «Kishi ólim» biregeı baletiniń, Sezar Kıýı­diń «Etik kıgen mysyq» operasy­nyń qoıýshy dırıjeri atanyp, Gaetano Donısettıdiń «Don Paskýale» operasynda dırıjer­lik debıýtin júzege asyrdy. Ol «Shopenıana», «Sheherazada», «Sılfıda» spektaklderine ǵana emes, sonymen qatar gala-ope­ralar men gala-baletterge de dırıjerlik etedi. Al bul – kópshilik biletindeı, aıryqsha yjdahattylyq pen aýqymdy materıaldy zertteýdi talap etetin asa kúrdeli mindet. Endi mine, 13-14 sáýir kúnderi jas maestro L.Mınkýstyń «Don Kıhot» baletimen dırıjer tuǵyryna kóteriledi. Atalǵan spektakldegi Elmar eńbegi – onyń debıýti. Mahabbat pen erlik týraly aıtýly klassıkalyq hıkaıa jas maestronyń jetekshiligimen jańa boıaýlarǵa ıe bolmaq. Operanyń qyr-syryn dırıjerdiń ózinen suraǵan edik.

Suhbat • 04 Sáýir, 2024

Gúlsına MERǴALIEVA: О́ner óresimen ómirsheń

Ádette rejıssýra tek qana er adamnyń tól mamandyǵyndaı qabyldanady. Sebebi syrttaı sulý kóringenimen, shyn máninde, bul salanyń salmaǵy zil batpan, al júkteıtin jaýapkershiligi odan da zor. Sondyqtan bolsa kerek, talaby taýdaı, talǵamy tereń ónerdiń bul baǵytyna batyly baratyndar kóp emes. Al baǵyń janyp keldiń eken, qatardaǵy kóptiń biri bolmaı, janartaýdaı atqylap sahnada jańalyq jasaı alatyndar tipten az. Osydan shırek ǵasyr buryn rejıssýranyń tabaldyryǵyn ımene attap, á degennen-aq tyń oı, batyl kózqarasymen ónerde tóńkeris jasaǵan Gúlsına Merǵalıeva esimi búginde elimizdegi eń úzdik rejısserlerdiń kóshin bastaıdy. Sanany silkinter spektakl qoıyp qana qoımaı, bir top kýrstasymen kelip sonaý Mańǵystaýdyń mań dalasynda teatr ashyp, tyńnan túren salǵan Gúlsınanyń eren eńbegin erlik demeske sharań joq. N.Jantórın atyndaǵy Mańǵystaý oblystyq mýzykalyq drama ­teatrynda ashylǵannan beri bas rejısser ári kórkemdik jetekshi, keıin dırektory qyzmetin abyroımen atqaryp, Jantórın teatryn jańasha jańǵyrtqan rejıssýra reformatorymen óreli óner týrasynda syr-suhbat qurǵan edik.

Teatr • 02 Sáýir, 2024

«Qallekı tynysyn» sezingen sát

Halyqaralyq teatr kúni qarsańynda sahna áleminiń bir silkinip alatyny ras. Oınap-kúlip, kóńil sergitý ǵana emes, júrip ótken jolyna esep berip, jetken jetistigi men ketken kemshiligin saralaýǵa baǵyttalyp ótkiziler ónegeli is-sharalar da meıramnyń kásbı mańyzyn arttyryp, teatr taǵylymyn tereńdete túsetindeı.

Tulǵa • 31 Naýryz, 2024

Bolmysy bólek qalamger

«Kórkem ádebıet esh ýaqytta ólmeıdi. Ol ólse, ómir óledi» degen sózdi ǵu­myrlyq muratyna aı­nal­dyr­ǵan jazýshy, dramatýrg, pýblısıst, Mem­lekettik syılyqtyń jáne M.Sholohov atyn­daǵy halyqaralyq syı­­lyqtyń laýreaty, Qazaqstannyń eńbek si­ńirgen qaıratkeri, «Pa­rasat» ordeniniń ıegeri, sanaly ǵumyryn sóz ónerine arnaǵan Sábıt Dosanov ómirden ótti. О́zi jıi aıtatyn ólmeıtin ómirdi shy­ǵarmashylyǵynyń altyn arqaýyna aınaldyrǵan qalamgerdiń ǵumyry – osy ǵıbratymen qundy, osy óne­gesimen máńgilik.

Suhbat • 28 Naýryz, 2024

Huseın ÁMIR-TEMIR: Aldymen shahter, keıin akter boldyq

«О́nerden ózge oıy joq». Belgili teatr synshysy, marqum Áshirbek Syǵaı kezinde rejısser, Qazaqstannyń eńbek sińirgen qaıratkeri Huseın Ámir-Temirdiń azamattyq bolmysy men teatrdaǵy tegeýrindi eńbegine dál osylaı baǵa bergen eken. Dóp sóz! О́ıtkeni qashan jolyqtyra qalsań da, áńgimesin áriden, sahna syrynan tereń sýyrtpaqtaıtyn syrbaz jannyń óner dese kóńili de ózgeshe órekpip turady. Seksennen assa da, sergek qalpyn joǵaltpaǵan sahna sańlaǵy áli de teatryn týǵan balasyndaı óbekteıdi. Kezdesýdiń sátin kópten beri oraılastyra almaı júrgen keıipkerimizdi Qyzylordadan Astanaǵa kelgen saparynda arnaıy izdep baryp, áserli áńgimesin tyńdap qaıttyq.

Teatr • 26 Naýryz, 2024

Ár kúni keshki 7-de...

Jaratqannyń bergen jaryq dúnıedegi ár mezeti qymbat degenimizben, pendeýı tirlikti kúndelikti kúıbeńnen bir sátke bolsyn alshaq áketip, arman álemine boılatatyn tańǵajaıyp álem – ol teatr! Sıqyrǵa toly ǵalamat ǵımaratqa kún saıyn, kún saıyn bolmasa da aı saıyn, tipti araǵa jyl salyp bir kirip shyqqan jan dál sol sátte júrekke óshpes sezim syılaǵan keshki jetidegi ádemi áserin esh umytpasy haq. Sebebi óner degenimizdiń ózi ómirdiń úzilip túsken móldir tamshysy, ózegi emes pe?

Mereke • 22 Naýryz, 2024

Naýryz - tarıhtan tamyr tartqan mereke

Qystan qalǵan qasat qarmen qatar kóńildiń de tońy jibip, adamzat ataýlynyń aıryqsha kútetin ulyq meıramy bar, ol – Naýryz. Kóktemmen birge ómirine de shýaq, shapaǵat kiredi dep sengen halqymyz Naýryz merekesin «Ulystyń uly kúni», «Áz Naýryz» dep aıryqsha áspettegen. Sondyqtan bolsa kerek, qazaqta Naýryz bir kún emes, tutas aı boıy toılanady. 14 naý­ryz – Amal, Kórisý kúninen bastalǵan meıirim meıramy aıdyń sońyna deıin jalǵasady. Ár sátine maǵyna syıdyrǵan kóshpeli halyqtyń kóneden jetken tól merekesiniń tutas ulttyń ustynyn aıqyndaýdaǵy máni de, mańyzy da zor.

Mereke • 20 Naýryz, 2024

Ulttyq mýzeıdegi Ulys kúni

Mádenıet jáne aq­pa­rat mınıstrliginiń qol­daýymen Ulttyq mýzeı ujymy «Qoǵamdyq keli­sim» RMM-men birlese otyryp, «Naýryz – el ulyq­taǵan uly kún» atty Naýryz merekesine oraı keshendi is-shara ótkizdi.

Teatr • 19 Naýryz, 2024

Qallekı teatry tynysy

Qalıbek Qýanyshbaev atyndaǵy memlekettik akademııalyq qazaq mýzykalyq drama teatry 27 naýryz – Halyqaralyq teatr kúni merekesine oraı, naýryz aıynyń 16–26-sy kúnderi aralyǵynda «Qallekı tynysy» atty spektaklder sherýin usynady.