Delegasııa quramynda Ámire Qashaýbaev, Isa Baızaqov, Qalıbek Qýanyshbaev, Serke Qojamqulov, Qurmanbek Jandarbekov, Qalı Baıjanov, Ǵabbas Aıtbaev, Elýbaı О́mirzaqov, Janbıke Shanına (Jumattyń jubaıy), Dálılá Ońǵarbaeva syndy talantty ártister bar.
Bul sapar qazaq óneri úshin qanshalyqty mańyzdy bolsa, erli-zaıypty Jumat pen Janbıke Shanınderge qasiretimen este qaldy. Máskeýge barar jolda Janbıke apamyzdyń ózimen birge ala shyqqan qundaqtaǵy 6 aılyq sábıi otarba ishinde qatty aýyryp, shetinep ketedi. Baýyr eti baladan aıyrylý ońaı ma, qos ónerpaz qaıǵydan qan jutady. Úlkender jaǵy Jumat pen Janbıkege: «Balany jerleýge elge qaıtyńdar» deıdi. Biraq qashanda óz qaıǵysynan qazaqtyń múddesin joǵary qoıǵan Jumat Shanın: «О́ler bala óldi, bala bizdiki, biraq qazaq óneri ólmesin, men de, Janbıke de qaıtpaımyz», deıdi. Sebebi sábıdiń shetinegenin baıqasa, bulardy Máskeý qabyldamaıdy. Bul týraly ǵasyr jasaǵan Habıba Elebekova apamyz: «Elýbaı О́mirzaqov pen Qurmanbek Jandarbekov joldan túsip qalyp, balany jerlep, arttarynan kelmek bolady. Biraq buǵan Jumat qarsy bolady. Sebebi kelisim boıynsha búkil quram poıyzdan birge túsýi kerek.Sodan ne kerek, delegasııa Máskeýge tolyq qurammen keledi. Janbıke óli sábıdi ótirik áldılegen bolyp, poıyzdan túsedi. Tań atysymen Elýbaı men Qurmanbek balany tatar zıratyna aparyp jerleıdi. Al Jumat pen Janbıke topqa qaıta qosylýǵa májbúr bolady. Sebebi aralarynda oryssha biletin jalǵyz Jumat eken», dep sol bir qıyn da qasiretti jyldardyń esteligin aıtyp bergen bolatyn.
Mine, dál osy kezde qazaqtyń ónerpazdaryn qarsy alýǵa Zataevıchtiń ózi keledi. Bári jınalyp osy bir tarıhı sýretke túsken. Al Elýbaı О́mirzaqov pen Qurmanbek Jandarbekov balany jerleýge ketkendikten, sýretke túspeı qalǵan. О́zgesi tolyǵymen osy sýrette taspalanǵan.
