ASTANA. 17 mamyr. Indonezııanyń Soltústik Sýmatra provınsııasynda sý tasqynynan 17 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Bul mańaıda kópshilikke belgili shıpajaı bar. Barlyǵy 70 stýdentten quralǵan top saıahattap, Air Terjun Dua Warna sarqyramasyna shyqqan kezde, kútpegen jerden sý tasyǵan. Qutqarýshylar 17 adamnyń denesin tapty, taǵy tórt adam iz-túzsiz joǵalyp ketti.
Málimetter boıynsha, qutqarý jumysyna 300-den astam adam jumyldyryldy. Olardyń arasynda polısııa qyzmetkerleri, úkimet áskeri bar.
Indonezııa – sý tasqyny jıi bolyp turatyn memleketterdiń biri. Maýsymdyq jańbyr saldarynan laı kóshkinderi de júredi. 17 myńdaı araldan turatyn bul elde mıllıondaǵan adam taýly aımaqta jáne ózen jaǵasyna jaqyn jerlerde turady.
Aıan Ábdýálı.
Derek, foto: RIA «Novostı».