8-10 mamyr aralyǵynda elordada ótetin Qazaqstan Barysy Grand Slam týrnıri bıyl tórtinshi ret uıymdastyrylyp, álemniń tańdaýly tatamı sheberleri bir alańda basy qosylady, dep jazady Egemen.kz
Halyqaralyq deńgeıdegi bedeldi jarys Halyqaralyq dzıýdo federasııasy kúntizbesine engizilgen. Týrnır Jaqsylyq Úshkempirov atyndaǵy «Jekpe-jek» saraıy kesheninde ótedi. Munda Olımpıada oıyndarynyń, álem jáne qurlyq chempıonattarynyń júldegerleri men jeńimpazdary beldesedi dep kútilip otyr.
IJF talaptaryna sáıkes, jarys qorytyndysynda sportshylarǵa álemdik jáne Olımpıadalyq reıtıng upaılary beriledi: birinshi orynǵa – 1000, ekinshi orynǵa – 700, úshinshi orynǵa – 500 upaı. Bul kórsetkishter tatamı sheberleri úshin asa mańyzdy, óıtkeni olar 2028 jyly Los-Andjeleste ótetin jazǵy Olımpıada oıyndaryna iriktelýge tikeleı áser etedi.
Dzıýdoshy Ádilet Almat Azııa chempıony atandy
Qazaqstan Barysy Grand Slam – tek reıtıngtik týrnır ǵana emes, sonymen birge Qazaqstannyń dzıýdo álemindegi ornyn aıqyndaıtyn mańyzdy doda. Aıta keteıik, Qazaqstan dzıýdo federasııasy men Halyqaralyq dzıýdo federasııasy arasynda 2023 jyly jasalǵan kelisimge sáıkes, elimiz Grand Slam deńgeıindegi jarysty 2026 jylǵa deıin qabyldaý quqyǵyna ıe.
Osylaısha, Astana taǵy da jahandyq dzıýdo qaýymdastyǵynyń nazaryn ózine aýdaryp, jankúıerlerge joǵary deńgeıdegi tartysty beldesýler syılamaq.
Dzıýdodan Azııa chempıonaty: Qazaqstan qorjyny besinshi medalmen tolyqty