Ońtústik Koreıada mıtıng kezinde júk kóligi adamdardy qaǵyp, 1 adam qaza taýyp, 2 azamat jaraqat alǵan. Oqıǵa Chınchjý qalasynda 20 sáýir kúni tańerteń bolǵan, dep jazady Egemen.kz.
Yonhap agenttiginiń habarlaýynsha, jergilikti ýaqytta logıstıkalyq ortalyq mańynda júk tasymaly salasy qyzmetkerleriniń kásipodaǵy mıtıng ótkizgen. Narazylyq sharasy CU dúkender jelisiniń qoıma kesheni janynda uıymdastyrylǵan.
Kýágerlerdiń aıtýynsha, 2,5 tonna júk kóliginiń júrgizýshisi jolyn bógegen topty aınalyp ótpek bolǵan. Alaıda sonyń saldarynan mıtıngke qatysýshylardy qaǵyp ketken. Oqıǵa ornynda 1 adam kóz jumyp, 2 azamat túrli jaraqat alǵan. Júrgizýshi ustaldy, tekserilip jatyr.
Ońtústik Koreıadaǵy ushaq apaty bolǵan áýejaıdyń qujattarynan óreskel qate tabyldy
Arada kóp ýaqyt ótpeı, dál osy aýmaqta taǵy bir oqys jaǵdaı tirkeldi. Kásipodaqqa tıesili avtokólik polısııa qorshaýyn buzyp ótip, saldarynan 20 jastaǵy polıseı jaraqat aldy. Bul kóliktiń júrgizýshisi de ustalǵan.
Aqparatqa sáıkes, qaıǵyly jaǵdaıdan keıin mıtıng qatysýshylary men polısııa arasynda qaqtyǵys týyndaǵan. Tergeý amaldary jalǵasyp jatyr.
Ońtústik Koreıanyń eks-prezıdenti ómir boıyna bas bostandyǵynan aıyryldy