PETROPAVL. 17 mamyr. «Zerde» vahtasy sheńberinde eki apta boıy Reseı Federasııasynda qazba jumystaryn júrgizgen oblystyń áskerı-patrıottyq klýb músheleri elge oraldy. Bul týraly egemen.kz tilshisi habarlady.
Top músheleri Novgorod oblysynda bolyp, urys dalasynda kóz jumǵan jaýyngerlerdiń múrdelerin, qarý-jaraqtar men áskerı zattardy izdeýmen aınalysty. Tynymsyz izdenisterdiń nátıjesinde 24 jaýyngerdiń súıegin taýyp, qaıta jerledi.
Petropavldyqtar qazba jumystarymen kóp jyldan beri aınalysyp keledi. Bıyl Reseıge quramynda on adam bar izdeýshiler toby attanǵan bolatyn. Aıtýlarynsha, soltústikqazaqstandyqtar úshin sońǵy ret toqsanynshy jyldary zerttelgen oryndarǵa barý múmkindigi týǵan. Kórshi elde izdestirý jumystarymen aınalysqan on eriktiniń úsheýi jasaq qataryna birinshi ret qosylǵan. Reseıge áskerı-patrıottyq klýb múshesi retinde alǵash barǵandardyń biri – orta mektep oqýshysy Iаna Drobysheva.
Klýb músheleri tapqan jádigerlerin túgeldeı jetkize almaǵanandyqtan, birazyn Reseıdegi áriptesterine qaldyryp ketken. О́zderimen ala kelgen áskerı zattar klýb murajaıyna qoıyldy.
О́mir Esqalı.
Derek, foto: egemen.kz.