PETROPAVL. 2 maýsym. Soltústik Qazaqstan oblysynyń ákimi Erik Sultanov jetim balalarǵa arnalǵan ınternat úıiniń tárbıelenýshilerimen kezdesip, arnaıy syıaqy berdi. Bul týraly oblystyq bilim basqarmasynyń baspasóz qyzmetine silteme jasaǵan egemen.kz tilshisi habarlady.
Bıyl óńirde asyraýshysynan aıyrylǵan 30 bala mektep bitirdi. Túlekterdiń aldynda sóz alǵan Erik Hamzauly búginde elimizde sapaly bilim alýǵa barlyq jaǵdaı jasalǵanyn atap ótti. Onyń aıtýynsha, sońǵy eki jylda oblysta jańa páter kiltin ınternattyń 95 túlegi alǵan.
«2015-2016 jyldary 95 páter bólindi. Bul áleýmettik kómekti jalǵastyra beremiz. Bıyl ol tórt esege ósedi», – dedi oblys ákimi.
Tálimgerler de júrekjardy tilekterin aıtty. Olardyń kópshiligi oqýshylarǵa birneshe jyldan beri qarjylaı, moraldyq qoldaý kórsetip keledi. Solardyń biri oblystyq isker áıelder qaýymdastyǵynyń tóraıymy Baqytjan Sámıeva stomatolog-dáriger bolýdy armandaıtyn Albına Qaparovany sheftik qamqorlyqqa alǵan. .
Kezdesý sońynda aımaq basshysy barlyq túlekterge aqshalaı syılyq tapsyrdy.
О́mir Esqalı.
Derek, foto: Soltústik Qazaqstan oblystyq bilim basqarmasynyń baspasóz qyzmeti.