QARAǴANDY. 2 maýsym. Qaraǵandy oblystyq ishki ister departamentiniń uıymdasqan qylmyspen kúres jónindegi basqarma qyzmetkerleri balasyn satpaq bolǵan Balqash qalasynyń turǵynyn qamaýǵa aldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Balqash qalasynda 22 jastaǵy áıeldiń balasyn satpaqshy bolyp júrgeni týraly habar ishki ister organdaryna túsken bolatyn. Jedel-izdestirý sharalary barysynda tártip saqshylary 30 myń teńgege eki jasar sábıin satpaqshy bolyp jatqan kezinde kúdiktini aıǵaqpen qolǵa túsirdi.
Qazirgi tańda osy oqıǵa boıynsha qylmystyq is qozǵalyp, sotqa deıingi tergeý amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Foto: aif.ua.