KО́KShETAÝ. 2 maýsym. Aqmola oblysynyń ortalyǵynda ózge bireýdiń jeke kýáligin urlap ketip, sol boıynsha Kaspi Bank aksıonerlik qoǵamynan kredıt alǵan 23 jastaǵy qyz sottaldy. Bul týraly oblystyq sot baspasóz qyzmetiniń deregine súıengen egemen.kz tilshisi habarlady.
«Kókshetaýda tanysynyń jeke kýáligin paıdalana otyryp, Kaspi Bank aksıonerlik qoǵamynan 196 389 teńge tutynym kredıtin alǵan 23 jastaǵy qyz sottaldy», - delingen vedomstvo habarlamasynda.
Alaıaqtyq faktisi bank kredıt alýshynyń zaem tólemeı jatqanyn teksergen kezde belgili bolyp qaldy. Jeke kýáliktiń shyn egesi kredıt jóninde túk bilmeıtin bolyp shyqty. Biraq ol kredıt alǵan qyzdyń sýretin kórsetkende, ony birden tanydy. Sóıtse, ol óziniń K. degen jaqyn tanysy eken.
Osyǵan baılanysty K. Qylmystyq kodekstiń 190-baby, 1-tarmaǵy («Alaıaqtyq») boıynsha aıypty dep tabyldy. Sol oǵan dúnıe-múlkin tárkileý arqyly bir jylǵa bas bostandyǵynan aıyrý jazasyn kesti. Oǵan bir jylda 100 saǵat májbúrlep jumys istetý kózdeldi.
Sot sonymen qatar sottalýshynyń esh jerde jumys istemeıtinin jáne zardap shegýshiniń bas bostandyǵynan aıyrmaıtyn jaza belgileýdi suraǵanyn eskerdi.
Aıtqandaı, sottalýshy kredıtke alǵan aqshasyna úıge turmystyq jabdyqtar satyp alǵan eken.
Baqbergen Amalbek.
Derek: Aqmola oblystyq sotynyń baspasóz qyzmeti.