ASTANA. 6 maýsym. Máskeýde Reseıdiń belgili teatr jáne kınoe akteri Alekseı Jarkov 69 jasynda uzaqqa sozylǵan naýqastan keıin qaıtys boldy. Bul týraly Lenta.ru aqparyna súıengen egemen.kz habarlady.
«О́mirden tańǵalaryq talantty artıst, qarapaıym da aqjarqyn adam ótti», – delingen Reseı kınematograftar odaǵynyń saıtynda.
Akter bıylǵy jylǵy naýryz aıynyń basynda ınsýlt alǵan. Ol 2012 jyly ýaqytsha sal bolyp qalýdy bastan keshken. Jarkov sońǵy jyldary Máskeý túbindegi saıajaıynda turǵan.
Akterdiń tvorchestvolyq ómirbaıanynda 130-dan astam kınodaǵy rólderi bar. Olardyń arasynda «Túngi oqıǵa», «Qylmysty talant», «If zyndanynyń tutqyny», «Imıtatator» jáne «Uıyqtap jatqan ıtti oıatpańdar» degen fılmderdi kórermen qaýym jaqsy bilse kerek.
Jarkov – Reseıdiń halyq artısi, «Dostyq» ordeniniń ıegeri.
Akter Máskeýde týǵan, MHAT mektep-stýdııasyn bitirgen. Ol 1971-1988 jyldary Ermolova atyndaǵy teatrda jumys istedi, sodan keıin Chehov atyndaǵy MHT-ǵa keldi. Al 2000 jyly qaıtadan birinshi teatryna bardy.
Halyq artısi seısenbi kúni Naro-Fomınskidegi mazarda jerlenedi. Resmı qoshtasý bolmaıdy, tek jaqyndary ǵana janazasyna jınalady, dedi akterdiń jesiri Lıýov Jarkova.
Talǵat Raıymbek.
Derek, foto: Lenta.ru.