Búgin elimizdiń birneshe aımaǵynda aýa raıy qubylyp, tuman túsip, kóktaıǵaq pen ekpindi jel baıqalady. «Qazgıdromet» mamandary qolaısyz meteorologııalyq jaǵdaılarǵa baılanysty eskertý jarııalady. Ásirese taýly jáne jol qatynasy qarqyndy óńirlerde saq bolý qajet, dep jazady Egemen.kz.
Sınoptıkterdiń boljaýynsha, Túrkistan oblysynyń batysy men ońtústiginde, sondaı-aq taýly aýdandarynda jaýyn-shashyn túsedi, kóbine jańbyr jaýady. Oblystyń soltústiginde de jaýyn-shashyn kútiledi. Kúndiz óńirdiń ońtústiginde naızaǵaı oınaıdy. Soltústik, batys jáne taýly aýmaqtarda tuman túsýi yqtımal. Soltústik-shyǵystan soqqan jel ońtústik-batysqa aýysyp, keı jerlerde 15-20 m/s, taý asýlarynda kúndiz 23-28 m/s-qa deıin kúsheıedi.
Shymkentte túnde jáne kúnniń sońyna qaraı jańbyr jaýyp, keı ýaqyttarda tuman túsedi. Jel baǵyty ózgerip, kúndiz ekpini 15-20 m/s-qa jetedi. Al Túrkistan qalasynda túnde jaýyn-shashyn túsip, kúnniń ekinshi jartysynda jańbyr jalǵasady, tuman bolýy múmkin.
Almaty oblysynyń batysy, ońtústigi men taýly aýdandarynda tuman túsip, kóktaıǵaq qalyptasady. Soltústik-shyǵystan soqqan jeldiń ekpini keı tusta 15-20 m/s-qa jetedi. Almaty men Qonaevta da tuman men kóktaıǵaq kútiledi.
Birqatar oblysta aýa raıyna baılanysty eskertý jarııalandy
Ulytaý oblysynyń ońtústiginde joldarda kóktaıǵaq bolady. Jeldiń ekpini 15-20 m/s, kúndiz keı ýaqyttarda 25 m/s-qa deıin kúsheıedi. Jezqazǵanda da jel ekpini 23 m/s-qa deıin jetýi múmkin.
Qaraǵandy oblysynyń batysy, soltústigi men ońtústiginde tuman túsedi. Kúndiz jeldiń jyldamdyǵy 15-20 m/s-qa deıin artady.
Qyzylorda oblysynyń ońtústiginde kóktaıǵaq bolyp, kúndiz jańbyr men qar aralas jaýyn-shashyn túsedi, burqasyn soǵady. Ortalyq jáne shyǵys bóliginde de jaýyn-shashyn kútiledi. Jeldiń ekpini keı jerde 25 m/s-qa deıin jetedi. Qyzylorda qalasynda kúndiz jaýyn-shashyn, kóktaıǵaq jáne burqasyn bolady.
Mańǵystaý oblysynyń ońtústigi, shyǵysy men ortalyǵynda kóktaıǵaq qalyptasady.
Aqtóbe oblysynyń Muǵaljar aýdanynda jaıaý burqasyn júredi. Jel ekpini 15-20 m/s shamasynda.
Batys Qazaqstan oblysynyń batysy, soltústigi men ońtústiginde tuman túsedi. Oralda túnde jáne tańerteń tuman kútiledi.
Abaı oblysynyń batysy, soltústigi jáne ortalyǵynda tuman bolady. Jeldiń jyldamdyǵy 15-20 m/s-qa jetedi. Semeıde túngi jáne tańǵy ýaqytta tuman túsedi.
Pavlodarda kóktaıǵaq saldarynan 150-den astam adam jaraqat alǵan
Qostanaı oblysynyń batysy, shyǵysy men ońtústiginde de tuman kútiledi.
Shyǵys Qazaqstan oblysynyń soltústigi, shyǵysy jáne ońtústiginde tuman túsedi. О́skemende túnde jáne tańerteń tuman bolady.
Jambyl oblysynyń ońtústik-batysy, shyǵysy jáne taýly aýdandarynda kóktaıǵaq qalyptasyp, keı ýaqyttarda tuman túsedi. Jel ekpini 15-20 m/s, keı jerlerde 23-28 m/s-qa deıin kúsheıedi. Tarazda da tuman men kóktaıǵaq kútiledi.
Mamandar turǵyndarǵa jolda abaı bolyp, alys saparǵa shyqqanda aýa raıy boljamyn eskerýdi usynady. Ásirese kólik júrgizýshilerine jyldamdyqty shektep, qaýipsizdik talaptaryn qatań saqtaý qajet.