Almatydaǵy Oi-Qaragai taý kýrortynda Eýrazııalyq taý kýrorttary alıansynyń III festıvali men taý týrızmin damytý jónindegi Eýrazııalyq forýmnyń saltanatty ashylý rásimi ótti, dep jazady Egemen.kz.
Is-shara «Aq Tas» bazalyq stansııasynda uıymdastyryldy. Festıval aıasynda qatysýshylar taýǵa kóterildi. Ár kýrorttyń biryńǵaı formasyn kıgen komandalar marsh áýenimen «Aq Tas» alańynda sap túzep, halyqaralyq yntymaqtastyqtyń aıqyn kórinisin pash etti.
«Qazaqstan, О́zbekstan jáne Reseı elderin biriktirgen is-sharany uıymdastyrǵan jandarǵa alǵys aıtamyn. Jastar – bolashaqtyń kepili, yntymaqtastyq pen dostyqtyń altyn kópiri. О́zderińiz biletindeı, taý klasteri men Almaty qalasy – bizdiń ulttyq baılyǵymyz, maqtanyshymyz. Sizderdiń elderińizde de taý týrızminiń qarqyndy damyp kele jatqanyn jaqsy bilemiz. Birlesken kúsh-jigerdiń arqasynda budan da bıik belesterdi baǵyndyramyz dep senemin», dedi Almaty qalasy ákiminiń orynbasary Oljas Smaǵulov.
Ákim orynbasarynyń aıtýynsha, Oi-Qaragai taý kýrortynda bas qosý – otandyq kásipkerlerdiń bastamasymen júzege asqan biregeı joba, taý klasterin damytýdaǵy úlgili nysan sanalady.
Almaty taý klasteriniń áleýeti joǵary: Halyqaralyq mamandar pikiri bir arnada toǵysty
«Almaty qalasy taýǵa jaqyn qashyqtyqta ornalasqan. Mundaı múmkindik álemde sanaýly ǵana qalalarda bar. Al Eýrazııalyq taý kýrorttary alıansynyń úshinshi festıvalin Qazaqstanda birden eki kýrort qabyldap otyr – Oi-Qaragai jáne Shymbulaq kýrorty. Bul – bizdiń úlken artyqshylyǵymyz, ári qaraı da osy baǵytty júıeli túrde damytamyz», dedi Oljas Smaǵulov.
Shymbulak taý kýrortynyń bas dırektory Rınat Ábdirahmanov qaladaǵy taý kýrorty nysandaryn jahandyq kýrorttar kartasynda óz ornyn alýy úshin atqarylyp jatqan jumys barysyn joǵary baǵalady.
«Almatynyń asqar taýlarynda myqtylar jınalady. Taýlar myqtylardy biriktiredi. Biz – jańa jumys oryndaryn ashyp, ınvestısııa tartyp, eń bastysy, Eýrazııa keńistiginde týrızm mádenıetin qalyptastyryp júrgen jandarmyz. Bizdiń maqsatymyz – Eýrazııanyń taý kýrorttary jahandyq kýrorttar kartasynda óz ornyn alýy, álemge tanylýy. Árıne, básekelestik bar ekenin túsinemiz. Alaıda, yntymaqtastyq, tájirıbe almasý, tehnologııa almasý bizdi birlikke bastaıdy», dedi Shymbulak taý kýrortynyń bas dırektory Rınat Ábdirahmanov.
Spıkerler Almaty taý klasterin damytýdyń strategııalyq mańyzyn atap ótip, ınfraqurylymdy jańǵyrtý, qyzmet kórsetý sapasyn halyqaralyq standarttarǵa sáıkestendirý jáne óńiraralyq seriktestikti nyǵaıtý qajettigin jetkizdi. Sonymen qatar, taý týrızmin tórt maýsym boıy damytý, ınvestısııalyq jobalardy iske asyrý jáne ekologııalyq turaqtylyqty saqtaý máseleleri de qozǵaldy.
Oljas Bektenov taý klasterin damytý tásilderimen tanysty
Festıval men forým – tájirıbe almasýǵa, jańa bastamalardy talqylaýǵa jáne Eýrazııa keńistigindegi taý kýrorttarynyń yntymaqtastyǵyn kúsheıtýge arnalǵan mańyzdy alań. Eýrazııalyq taý kýrorttary alıansynyń bas hatshysy Andreı Kýkýshkınniń aıtýynsha, bul shara aımaqtyń týrıstik áleýetin arttyryp, halyqaralyq deńgeıdegi bedelin nyǵaıtýǵa yqpal etedi.
«Bıyl úshinshi ret uıymdastyrylyp otyrǵan Eýrazııalyq taý kýrorttary alıansynyń festıvaline 5 el men 6 kýrort qatysyp jatyr. Búgin osy jerde barlyq kýrorttyń ókilderi men basshylary jınaldy. Ár kýrorttan sporttyq komandalar keldi. Bir aptaǵa josparlanǵan baǵdarlama óte aýqymdy.
Taý týrızmin damytýǵa arnalǵan forýmnan bastaımyz. Forýmda Qazaqstannyń týrıstik salasy úshin eń ózekti taqyryp – taý týrızmin damytý jáne Almaty taý klasterin qurý máselesi talqylanady. Munda osy baǵytta kásibı turǵyda pikir almasýǵa nıetti mamandar jınaldy. Olar klasterdi qalaı tıimdi qurýǵa bolatynyn, jumysty qalaı júıeli uıymdastyrý kerek ekenin talqylaıdy. Bul bastama týrıster men taý kýrorttaryna kelýshilerge ǵana emes, jergilikti turǵyndarǵa da paıdasyn tıgizýi tıis. Jergilikti halyq jumysqa ornalasý múmkindigine ıe bolady, al shaǵyn jáne orta bıznes ókilderi meıramhana, kafe, qonaqúı sııaqty nysandar ashýǵa múmkindik alady», dedi Andreı Kýkýshkın.
Sondaı-aq, Eýrazııalyq taý kýrorttary alıansynyń bas hatshysy Eýropa elderiniń óz tabıǵı múmkindikterin tıimdi paıdalanyp, týrızm arqyly aıtarlyqtaı tabys taýyp otyrǵanyn aıtty. Eýropada týrızm salasy ishki jalpy ónimniń – 10%-y. Tipti kórshiles Ázerbaıjannyń ózinde týrızmniń IJО́-degi úlesi shamamen 11%-ǵa jetken. Sondyqtan Qazaqstan da áleýetti tıimdi paıdalanýy qajet ekenin aıtty.
«Osy maqsatta ártúrli elden kásibı mamandardy shaqyryp, olardyń tájirıbesin almasýǵa múmkindik jasap otyrmyz. Kóptegen memlekette taý klasterleri áldeqashan tabysty jumys istep, halyqqa paıda ákelip jatyr. Bizdiń alıansqa múshe sheteldik áriptesterimiz de ózderiniń ozyq tájirıbelerin ortaǵa salady. Búgingi forým osy baǵytta ótedi.
Erteńnen bastap aýqymdy sporttyq baǵdarlama bastalady. Taý kýrorttary jattyqtyrýshylary arasynda taý shańǵysy pánderi boıynsha TMD elderiniń ashyq chempıonatyn ótkizemiz. Jarystyń birinshi kúni «Shymbulaq» kýrortynda, ekinshi kúni «Oıqaraǵaı» kýrortynda ótedi. Qatysýshylar joǵary deńgeıde sheberlikterin kórsetedi», dedi Andreı Kýkýshkın.
Almaty taýlaryna týrıst tartýdy táýligine 5 esege kóbeıtý kózdelip otyr
Uıymdastyrýshylar aldaǵy ýaqytta qaýipsizdik, betkeılerdi daıyndaý jáne taý kýrorttarynyń basqa da baǵyttary boıynsha tájirıbe almasý josparlanyp otyrǵanyn jetkizdi.