ASTANA. 6 maýsym. Keńestik belgili shahmatshy-grossmeıster Vıktor Korchnoı 86 jasynda Shveısarııada qaıtys boldy. Bul týraly Lenta.ru aqparyna súıengen egemen.kz habarlady.
Reseı shahmat federasııasynyń saıtynda Korchnoıdyń 1952 jyly KSRO chempıonatyna qatysyp, birden altynshy oryn alǵany aıtylǵan. Ol 1956 jyly grossmeıster ataǵyn alǵan. Al 1960 jyly KSRO chempıondyǵyn utty. Barlyǵy tórt ret Keńes Odaǵynyń chempıony boldy.
Vıktor Korchnoı 1968 jyly álem chempıondyǵynyń fınalynda Borıs Spasskııge utyldy. Arada 6 jyl ótkende keńestik kelesi qarsyldasy Anatolıı Karpovqa da ese jiberdi.
Korchnoı KSRO quramasy sapynda alty ret Shahmat olımpıadasynyń chempıony boldy, sondaı-aq, 100-ge jýyq halyqaralyq týrnırlerde jeńiske jetti.
Ol 1976 jyly Shveısarııaǵa qonys aýdardy. 1994 jyly osy eldiń azamattyǵyn aldy.
Korchnoı qaıtys bolǵanǵa deıin álemdegi eń jasy úlken grossmeıster bolyp keldi.
Talǵat Raıymbek.
Derek, foto: Lenta.ru.