Aqmolalyq dıqandar jyl saıynǵy jaqsy dástúrlerin jalǵastyryp, dándi daqyldar egý naýqanyn bıyl da soltústik óńirde qyzý qarqynmen júrgizildi.
Qolymyzdaǵy derek boıynsha, óńirdiń agroóndiristik keshenderi 4 mıllıon 217,7 myń gektar aýmaqqa dándi jáne burshaq daqyldaryn ekken. Sonyń ishinde, maıly daqyldar 206,7 myń gektar (100% josparly), kópjyldyq shóptesin – 36,6 myń gektar (100%), júgeri súrlemi – 8,9 myń gektar (127%), kartop – 18,7 myń gektar (100%) jáne kókónis – 4,4 myń gektar (100%) alqapqa ornalastyryldy.
Aýyl sharýashylyǵy tehnıkasyn daıyndaý boıynsha jumystar da ýaqtyly ári tıisti deńgeıde júrgizilip, egin sebý naýqany bastalmas buryn kóliktik-traktorlyq park tolyq daıyndaldy. Atap aıtsaq, bıylǵy naýqanǵa 15688 birlik traktor, 17575 – dánsepkish, 1076 – keń alymdy keshen, 22155 – tyrnaýysh, 2459 – qopsytqysh jáne 1086 – sydyrajyrtqysh qatystyrylǵan.
Sondaı-aq, 2016 jylǵy kóktemgi egis jumystaryn júrgizýge nesıeleý baǵdarlamasy boıynsha «Esil ÁAK» UK» AQ kepildemesi boıynsha 5,0 mıllıard teńge qarjy bólingenin aıta ketýge bolady.
Oǵan qosa, dán sebý jumystaryna – 77,1 myń tonna dızel otyny, 8,2 myń tonna janarmaı, 4,5 myń tonna jaǵarmaı jumsalǵan.
Baqbergen AMALBEK,
«Egemen Qazaqstan»
Aqmola oblysy