Kórnekti aqyn, Halyqaralyq «Alash» ádebı syılyǵynyń laýreaty, Qazaqstannyń eńbek sińirgen qaıratkeri, Mahambet syılyǵynyń ıegeri, kóptegen jyr músháıralarynyń jeńimpazy Serik Turǵynbekulynyń 70 jasqa tolǵan mereıtoıy Qostanaı qalasynda keń kólemde, joǵary deńgeıde ótti.
Qaladaǵy Ilııas Omarov atyndaǵy oblystyq mýzykalyq drama teatrynda ótken bul keshte kórermen qaýym aldymen, ǵımarattyń alańyna ornalasqan ádebı kórmeni aınalyp óte almady. Onda aqynnyń ár jyldary shyqqan kitaptary men jyr jınaqtary júıeli ornalasypty. Qalamdas aǵalarynyń, zamandastarynyń aq tilek lebizderi taıǵa tańba basqandaı tizbektelip tur. Onda aqyn-jazýshylar – Syrbaı Máýlenov, Ǵafý Qaıyrbekov, Sábıt Dosanovtyń ini jaıly izgi lebizderi jazylǵan. Sondaı-aq, belgili ádebıetshiler – Serik Qırabaev, Ábish Kekilbaev, Aqseleý Seıdimbektiń oı-pikirleri de oraıymen kózge tústi. Aqynnyń shyǵarmashylyǵy men ómir jolyn baıandaıtyn foto-kórme de kórermenderdi qyzyqtyra bildi.
Saltanatty keshti oblys ákiminiń orynbasary Marat Júndibaev ashyp: – Siz Torǵaıda týyp, top jarǵan bar qazaqqa ortaq tulǵasyz. Búkil sanaly ǵumyryńyzdy ulttyq ádebıetimizge arnadyńyz. О́zindik sóz saptaýyńyzdyń syrtynda, sheshendigińizben, óleń-sózdegi kósemdigińizben qazaqtyń kórnekti aqyndarynyń bel ortasynan berik oryn aldyńyz, – degen sózine kórermen kópshilik qýana qol soqty. Sondaı-aq, Serik aqyndy Máskeýden arnaıy quttyqtaı kelgen Reseıdegi «Qazaq tili» qoǵamy tóraǵasynyń orynbasary, Tımırıazev atyndaǵy ýnıversıtet professory, Reseı Jýrnalıster odaǵynyń múshesi Serik Toıǵambaevtyń lebizi jyly qabyldandy.
Keshte Serik aqynnyń óleńderine jazylǵan kópshilikke keń tanymal ánder oryndalyp, Qostanaı teatrynda birneshe jyldardan beri júrip kele jatqan «Keıki batyr» dramasynan úzindi kórsetildi. Qazaqtyń tuńǵysh ǵaryshkeri Toqtar Áýbákirovtiń aqynǵa aq tilegin arnaýy da ábden jarasymdy boldy. Seriktiń qalamdastary Ǵumar Ahmetshın, Serikbaı Ospanov, Aqylbek Shaıahmetov, Naǵashybaı Muqatov aqynǵa arnalǵan lebiz-tilekterin aıtyp, arnaý óleńderin oqydy. Tobyldyń tolqynynda terbetilgen aqyn jyrlaryna án jazǵan kompozıtorlar Baqytjan Sáýekenov, Qalıbek Deripsaldın án shashý arnady. Oblys aqsaqaldary atynan qalanyń qadirmendi qarııalary Jandarbek Seıitov, Tarǵyn Ádenov, Ybyrash Estaev syndy ardagerler aq batasyn berip, aqynǵa aq jol tiledi.
Sońynan Serik Turǵynbekulyn oblys ákimi Arhımed Muhambetov qabyldap, arqaly aqynǵa shyǵarmashylyq tabystar tiledi. Syı-sııapat usyndy.
Qabylahat SEIDAHMETOV
QOSTANAI