Anglııa mektepteriniń birinde oqýshy balalarǵa geometrııa páninen berilgen esepti sheshýge arnalǵan qyzý piriktalas áleýmettik jelilerdegi ınternet paıdalanýshylardy aıaq astynan dúrliktirip jiberdi. Oqıǵa Manchester qalasyna taıaý mańdaǵy Glossep degen qalashyqtyń bir mektebinen óris alǵan.
Osy bilim ordasynda oqýshylarǵa geometrııadan úıde shyǵaryp kelý úshin esep beriledi. Esepte eki kóp buryshtyń perımetrin anyqtaý tapsyrylady. Shákirtterdiń eshqaısysy ony ózdiginen shyǵara almaıdy. Balalardyń biri sosyn ekonomıst bolyp qyzmet etetin ákesin kómekke shaqyrady.
Biraq, qyrsyq shalǵanda, oqýshynyń qyryq úsh jastaǵy ákesi de, oǵan kómekke kelgen ájesi de esepti sheshe almaı, ábden tyǵyryqqa tireledi.
Sodan keıin otaǵasy «Tvıtter» áleýmettik jelisine shyǵyp, jurtty esepti birlesip sheshýge shaqyrady. Sol-aq eken, ınternet paıdalanýshylar arasynda esep jóninde qyzý pikirtalas bastalyp ketedi. Oǵan qatysýshylardyń kópshiligi tapsyrmanyń balalar úshin óte aýyr ekenin alǵa tartsa, bir paıdalanýshy tipti mundaı esepter berýdiń eshbir máni joq ekenin jazady.
Atalǵan esepti birqatar matematık muǵalimder de sheshe almapty. Sońynan onyń durys jaýabyn B K Eindvistle esimdi bir padalanýshy ǵana beripti. Ol eki fıgýranyń parametri qyryq tórt santımetr bolatynyn jazypty.
Endi biz de óz oqyrmandarymyzǵa osy bir keremet esepti shyǵaryp kórýdi usynamyz.
Talǵat Raıymbek.
Mánbe, foto: Planet.today.