Májilis otyrysynda depýtat Baqytjan Jumabekuly memlekettik satyp alý júıesindegi birqatar kúmándi jaıttardy aıtty. Ol «Qazatomónerkásip» pen «Samuryq-Energo» kompanııalaryna qatysty naqty suraqtar qoıyp, tenderlerdiń ashyqtyǵyna nazar aýdardy, dep habarlaıdy Egemen.kz.
Depýtattyń aıtýynsha, memlekettik satyp alý portalyndaǵy derekterdi taldaý barysynda birqatar tenderdi únemi eki kompanııa – «Tumar» men «Aqnazar» utyp alatyny anyqtalǵan. Olar bir konkýrstarǵa qatar qatysyp, kezek-kezek jeńimpaz atanady. Máselen, 2025 jyly bul kompanııalar qatysqan kelisimsharttardyń jalpy somasy 20 mlrd teńgeni, 2024 jyly 13 mlrd teńgeni quraǵan.
Sonymen qatar depýtat eki kompanııanyń baılanys nómirleri birdeı ekenin alǵa tartty. «Bul qalaı múmkin?» degen saýal «Qazatomónerkásip» ókilderine tikeleı qoıyldy.
Depýtat teris dinı aǵymdarǵa zańmen tyıym salýdy talap etti
Budan bólek, «Samuryq-Energoǵa» qatysty da kúrdeli másele kóterildi. Depýtat qoldanystaǵy jel elektr stansııasyn keńeıtý jobasy boıynsha tenderlik qujattamada qytaılyq «Goldwind Envision Energy» kompanııasy jabdyq jetkizýshi retinde kórsetilgenin, alaıda atalǵan kompanııa bul jobaǵa qatyspaǵanyn málimdedi.
«Kompanııanyń resmı hatynda olar eshqandaı tehnıkalyq nemese kommersııalyq usynys bermegenin, al qujattarǵa qol qoıǵan Van Veıdiń olardyń qyzmetkeri emestigin kórsetken», dedi depýtat.
Osyǵan qaramastan, joba memlekettik saraptamadan ótip, tender qorytyndylanǵan. Depýtattyń sózinshe, bul jaǵdaı tenderlik qujattarda burmalaý bolýy múmkin degen kúmán týdyrady. Sondaı-aq tapsyrys berýshi tarap jer telimi men qurylysqa qajetti ruqsat qujattaryn usynbaǵany da aıtyldy.
О́z kezeginde «Qazatomónerkásip» ókilderi barlyq satyp alý rásimderi ashyq ári zań talaptaryna saı júrgiziletinin málimdedi. Olar ýran óndirý salasynyń ereksheligine baılanysty lısenzııasy men biliktiligi bar kompanııalar sany shekteýli ekenin atap ótti.
«Bul kompanııalar taýar jetkizýshi emes, uńǵymalardy tehnologııalyq baılaý jumystaryn oryndaıtyn merdigerler. Mundaı kúrdeli jumysty barlyq kompanııa atqara almaıdy», dedi.
Telefon nómirleriniń sáıkestigine qatysty másele boıynsha ishki komplaens qyzmeti tekserý júrgizetini jáne depýtatqa jazbasha jaýap beriletini habarlandy.
Depýtattar qoǵamdyq marapattardy zańmen retteýdi talap etti
Al «Samuryq-Energo» ókilderi bul máselege qatysty naqtylaý qajet ekenin aıtyp, uqsas joba boıynsha buryn sot daýy bolǵanyn, barlyq sotta kompanııanyń ustanymy qoldaý tapqanyn jetkizdi. Degenmen, kóterilgen jaıt boıynsha qosymsha tekseris júrgizilip, resmı jaýap beriletini aıtyldy.
Talqylaý barysynda depýtat birdeı kompanııalardyń jıi jeńiske jetýi básekelestikke kúmán keltiretinin atap ótti. Ol mundaı jaǵdaılardyń aldyn alý úshin ashyqtyqty kúsheıtý qajettigin jetkizdi.
Kezdesý qorytyndysynda kompanııa ókilderi barlyq eskertpeler nazarǵa alynatynyn, al anyqtalǵan zańbuzýshylyqtar bolsa, materıaldar quqyq qorǵaý organdaryna joldanatynyn málimdedi. Al kináli tulǵalar anyqtalǵan jaǵdaıda, zań aıasynda jaýapkershilikke tartylatyny atap ótildi.
Sırflyq servıs: Depýtat «táýelsiz qyzmetker» mártebesin bekitýdi usyndy