Astana qalasynda Astana Triathlon park ashyldy. Ashylý saltanatyna qala ákimi Áset Isekeshev pen BI Group basshysy Aıdyn Rahymbaev qatysty.
Nysannyń ashylý saltanatyna arnalǵan velojarysty alǵash bolyp qala ákimi bastady. Artynsha parkti aralap, Street Workout alańyn tamashalady. Osydan keıin ol balalar alańyn, tennıs korttaryn, jeńil atletıka manejin tolyqtyrýdy usyndy.
Jańadan ashylǵan sport nysanynyń jalpy aýmaǵy 45 gektardy quraıdy. Munda júgirýge, velosıped sportymen aınalysýǵa, sýda júzýge tolyq jaǵdaı jasalǵan. Jospar boıynsha, jaqynda trıatlonǵa arnalǵan eki seksııa ashylady.
– Bizde bas qalamyzǵa erekshe syılyq jasaý úrdisi qalyptasyp qalǵan. Bir kezderi kún saǵaty, eskertkishter, saıabaqtar bolǵan edi. Endi, mine, sport nysanyn syıǵa tartyp otyrmyz. Meniń oıymsha, salamatty ómir saltyn ustanatyn jandar úshin bul taptyrmas oryn bolady, – dedi Aıdyn Rahymbaev.
Sportty janyndaı jaqsy kóretin sheneýnik, burynǵy Qarjy mınıstri, Qazaqstan damý bankiniń jetekshisi Bolat Jámishev kópshiliktiń atynan bul iske atsalysqandarǵa alǵysyn bildirdi.
Aıan ÁBDÝÁLI,
«Egemen Qazaqstan»