Ulybrıtanııanyń Koventrı qalasyndaǵy Ýorık ýnıversıtetiniń zertteýshileri kókónis pen jemis-jıdekti kóp jeý adamdardyń ózderin baqytty sezinýine áser etetinin anyqtady. Kókónis pen jemis-jıdekti kóp jeıtinder ózderin jaqsy jumys isteıtin, baqýatty ómir súretin adamdardan kem sezinbeıdi eken.
Zertteý kezinde kezdeısoq 12 myń adam tańdap alynyp, olardyń kún saıynǵy tutynatyn taǵamdary men psıhologııalyq jaǵdaılary týraly kúndelik júrgizilgen. 2007, 2009, 20013 jyldardaǵy tamaqtaný tártibi men psıhologııalyq ahýaldary salystyrylǵan. Nátıjesinde, olar kókónis pen jemis-jıdekti neǵurlym kóbirek jegen kúnderi soǵurlym baqytty sezinetinin baıqaǵan. Zertteýshilerdiń paıymdaýynsha, ósimdikterdiń quramyndaǵy karotınoıdtar aǵzadaǵy qyshqyldy qalpyna keltirýge kómek-tesedi. Sáıkesinshe, gormon deńgeıiniń artýyna áser etedi.
Ǵalymdar salamatty ómir saltyn ustaný bir kúnde nátıje bere qoımaıtynyn, alaıda ol adamdardyń kóńil-kúıleriniń jaqsarýyna birden áser etetinin aıtady. Aldaǵy ýaqytta Ýorık ýnıversıtetiniń jańalyǵy densaýlyq saqtaýda, salamatty ómir saltyn nasıhattaýda paıdalanylmaq.
Arnur ASQAROV,
«Egemen Qazaqstan»