Taıaýda polısııanyń jedel izdestirý bóliminiń qyzmetkerleri Stepnogor qalasynyń 49 jastaǵy turǵynyn ustady.
Kúdiktini jáne onyń «Leksýs» markaly jeke kóligin tintý barysynda jalpy salmaǵy bir kılogramnan astam sary tústi metaldyń 8 quımasy tabyldy. Buǵan qosymsha, odan 295000 teńge aqsha qarajaty alyndy.
Sondaı-aq, jedel-izdestirý jáne tergeý amaldaryn jalǵastyrý nátıjesinde, Stepnogordan Astana qalasyna shyǵa beristegi «Rýbej» beketinde Aqkól qalasynyń 43 jastaǵy turǵyny basqaryp kele jatqan «BMW» jeńil kóligi toqtatyldy. Ony tintý barysynda salmaǵy 400 gramdyq usaqtalǵan altyn untaǵy tabyldy. Kúdiktiniń budan buryn aýyr qylmysy úshin birneshe ret sottalǵany belgili boldy.
Qazir tutqyndalǵandardyń ústinen QR QK 196-babynyń 3-bólimimen qylmystyq is qozǵalyp, tergeý-saraptama amaldary júrgizilýde.
Baqbergen AMALBEK,
«Egemen Qazaqstan»
Aqmola oblysy