Halyqaralyq olımpııalyq komıtet (HOK) Búkilálemdik dopıngke qarsy agenttiktiń (WADA) qoldaýymen Beıjiń Olımpııalyq oıyndaryna qatysýshylardyń dopıng-synamalaryn tekserýdi jalǵastyryp jatyr. Informburo.kz-tiń habarlaýynsha, Qazaqstannyń 4 shtangashysy úshin bul tekseris nashar nátıjemen aıaqtalǵan.
HOK pen WADA-nyń «qara tizimine» Vladımır Sedovtan basqa, taǵy Irına Nekrasova men Marııa Graboveskaıa da túsip qaldy. Olardyń ekeýi de 2008 jylǵy Olımpıadada medal ıegerleri atanǵan. Atap aıtqanda, Nekrasova 63 kıloǵa deıingi salmaqta kúmis, al Graboveskaıa 75 kılodan aýyr salmaqta qola medaldardyń ıegerleri atanǵan. Mamandar «A» synamasynda olardan tyıym salynǵan preparattar tapty. Al Beıjiń alamanynyń qorytyndysynda tizimge ilingen tórtinshi atlet - Ilıa Ilın.
Endi shildeniń 18-26-sy aralyǵynda Lozannada (Shveısarııa) Qazaqstan tarapy ókilderiniń qatysýlarymen «B» synamasyn ashý prosedýrasy júrgiziledi. Budan buryn dopıngpen
Ilıa Ilın (2008 jylǵy Olımpıada, 2012 jylǵy Olımpıada), Almas О́teshov (2015 jylǵy álem chempıonaty, 4 jylǵa dıskvalıfısııa aldy), Svetlana Podobedova (2012 jylǵy Olımpıada), Ermek О́mirtaı (2015 jylǵy álem chempıonatyy, 4 jylǵa dıskvalıfısııa aldy), Zúlfııa Chınshanlo (2012 jylǵy Olımpıada), Jasulan Qydyrbaev (Azııanyń 2012 jylǵy jasóspirimder chempıonaty, 2015 jylǵy álem chempıonaty, 8 jylǵa dıskvalıfısııa aldy), Maııa Maneza (2012 jylǵy Olımpıada) jáne Faına Sıvanbaeva (dopıngke qarsy erejeni úsh ret buzǵany úshin 8 jylǵy dıskvalıfısııa aldy) qolǵa túsken bolatyn.
Jaqyn arada Ilınniń, Podobedovanyń, Chınshanlo men Manezanyń qandaı jaza alatyndary belgili bolady. Al Vladımır Sedovtyń ózi dopıng janjalyna Qazaqstan quramasynyń bas jattyqtyrýshysy Alekseı Nı tikeleı kináli dep esepteıdi. Bul týraly ol informburo.kz tilshisine bergen eksklıýzıvti suhbatynda aıtyp berdi.
Damır QOJAMQUL