[caption id="attachment_51806" align="aligncenter" width="560"] inform.kz[/caption]
«18 shilde kúni saǵat 11:00 shamasynda belgisiz bireý Almaty qalasy ishki ister departamentiniń Almaly aýdandyq ishki ister basqarmasyna basyp kirý maqsatymen kúzette turǵan polısııa qyzmetkerine oq atty. Nátıjesinde qylmysker tártip saqshysynyń qarýyn ıemdenip, oqıǵa ornynan izin sýytty», – delingen Ishki ister mınıstrliginiń baspasóz qyzmeti taratqan habarlamada.
Inform.kz-tiń málimeti boıynsha, qylmyskerdi ustaý operasııasy kezinde ol «Boran» polısııa ekıpajyna oq jaýdyryp, eki polıseıdi jaralaǵan.
Odan ári qylmysker «Qazaqkonsert» AQ mańynda polısııamen qarýly qaqtyǵysqa túsip, jaralanǵan kúıi qolǵa túsken. Ony ustaý kezinde taǵy eki polıseı jaralandy. Aldyn ala málimetter boıynsha, qolǵa túsken azamat 27 jastaǵy Qyzylorda oblysynyń týmasy bolyp shyqty.
О́kinishke qaraı, qashý kezinde qylmysker jeńil avtokólikti basyp alyp, onyń júrgizýshisin atyp óltirdi. Sonymen qatar, qarýly qaqtyǵys kezinde alǵan jaraqattarynan úsh polısııa qyzmetkeri qaza tapty.
Qazir qalada «Sırena» jedel jospary engizildi. Polısııanyń barlyq qyzmetkerleri qolǵa túsken kúdiktiniń sybaılasyn ustaýǵa jumyldyryldy.
Aıdar О́RISBAEV