Qaýipsizdik keńesiniń shuǵyl otyrysy ótti

Keshe Memleket basshysy Nursultan Nazarbaevtyń tóraǵalyǵymen Qaýipsizdik keńesiniń shuǵyl otyrysy ótti, dep habarlady Prezıdenttiń baspasóz qyzmeti. Otyrys barysynda Ishki ister mınıstri Q.Qasymovtyń, Ulttyq qaýipsizdik komıtetiniń tóraǵasy V.Jumaqanovtyń, sondaı-aq, Qaýipsizdik keńesiniń basqa da músheleriniń Almaty qalasyndaǵy oqıǵalarǵa qatysty baıandamalary tyńdaldy. Qazaqstan Prezıdenti qaza bolǵandar men zardap shekken­der­diń otbasylaryna kóńil aıtty jáne olar­ǵa memlekettik organdardyń bar­lyq qajetti kómekti kórsetýin tapsyrdy. – Men qaza tapqan polıseı­lerdiń otbasylaryna kóńil aıta otyryp, olarǵa kómek berý úshin tıisti jergilikti organdarǵa zań aıasynda barlyq sharany qolǵa alýdy tapsyramyn. Alda qandaı is-áreketti qolǵa alatynymyz­dy josparlaý úshin maǵan oqıǵa barysyn baıandap berseńizder deımin. Ishki ister mınıstri Qal­muhanbet Qasymov pen Ulttyq qaýip­­sizdik komıtetiniń tóraǵasyn tyńdaǵym kelip otyr, – dedi Nursultan Nazarbaev. Jıyn barysynda Ishki ister mınıstri Qalmuhanbet Qasymov Prezıdentke Almaty oqı­ǵasy­nyń tolyq hrono­logııasyn málim etti. «Búgin tańerteńgi saǵat 10:54-te belgisiz bireý Almaty aýdandyq ishki ister bólimine kelgen. Postyda otyrǵan polısııa qyzmetkeri onyń qujatyn suraǵan­da, qylmysker tapanshasyn alyp shyǵyp, oǵan eki ret oq atqan. Polı­­sııa qyzmetkerin jaralaǵan soń qylmysker onyń qarýyn alyp, kezekshi bólimge qaraı birneshe ret oq atqan. Aýdandyq ishki is­ter bóliminiń aýlasynda turǵan adam­darǵa qaraı taǵy birneshe ret qarý jumsaǵan. Sol jerde tórt polısııa qyzmetkeri men bir qara­paıym adam jaraqat aldy. Bul jaraqat alǵan adam bizdiń burynǵy qyzmetkerimiz, qazir zeınette júrgen adam edi. Osydan keıin qylmysker kóshege júgirip shyǵyp, kólik toqtatady da, kólikke otyryp ketedi. Qylmysker sodan soń shaqyrý boıynsha kele jatqan patrýldik polısııa­ǵa oq atqan jáne Ult­tyq qaýipsiz­dik komıteti depar­ta­mentiniń ǵıma­ratyna kelip, taǵy bir patrýl­dik kólikke oq jaýdyrǵan. Osy­laısha, taǵy eki qyzmetkerimizdi jaralady. Artynsha, ol oqıǵa ornynan qashyp,  taǵy bir avtokólikti toqtatqan. Onda shekara qyz­metiniń aǵa leıtenanty otyr­ǵan. Qylmysker kólikpen Abaı atyndaǵy kóshege deıin je­tip qalmaqshy bolǵan. Alaı­da, shekara qyzmetiniń ókili qar­sy­lyq tanytqan. Ol úshinshi meken­jaıǵa barǵan shaǵynda bizdiń qyzmetkerlermen atysqan. Bir qyzmetkerimiz qaza tapty, ekinshi qyzmetkerimiz qylmyskerdi jara­lap, onyń qolyna kisen saldy. Bar­lyq qarý tárkilendi. Bizdiń qyzmetkerlerge oq atqan tapanshany Almaty aýdan­dyq ishki ister bóliminiń jany­nan taptyq. О́tken túnde, saǵat 03:52-de bul adam bir áıeldi óltir­gen. Kýágerlerdiń aıtýynsha, qylmysker túnde jeńil júristi áıeldermen sózge kelgen, bir áıel О́zbekstan eliniń azamatshasy eken. Ol áıel otyr­ǵan kólikke kelip, taksı júrgizý­shisinen kóliktiń jaryǵyn qosýdy suraıdy, taksıst aıtqanyn oryn­da­maǵan soń ol búgin qylmys jasa­ǵan qarýmen atqan. Sóıtip, kólikti aıdap áketken. Ol kólikti biz qaza bolǵan áıeldiń denesimen birge taptyq», – dedi Q.Qasymov. Odan ári Qaýipsizdik keńesiniń oty­rysynda UQK basshysy Vladımır Jumaqanov Almatyda polı­seılerge oq jaýdyrǵan qylmysker týraly aıtyp berdi. «Kýlekbaev Rýslan Alpysbaı­uly, 1990 jyly 11 maýsymda týǵan, Qyzylorda oblysynyń týmasy, bunyń aldynda Baıqońyr qalasynda turǵan. Úı­len­gen. Sońǵy kezderi Almaty oblysy Ile aýdany Yntymaq aýylynda turyp kelgen, uıaly telefon satýmen aınalysqan. 2010 jyly 27 tamyzda Shymkent qalasy Eńbekshi aýdandyq sotynda Qylmystyq kodekstiń 178-baby 2-bóligi boıynsha («Kúsh kórsetý arqyly tonaý») sot­talǵan. 2012 jyly 8 mamyrda Qyzylorda oblystyq sotymen QR QK-niń 251-baby («Atys qarýyn zańsyz satyp alý jáne saqtaý») boıynsha 2 jylǵa jáne 11 aıǵa bas bostandyǵynan aıyryldy. Kolonııada salafıtterge qosylyp ketken», – dedi UQK-niń basshysy. Prezıdenttiń baspasóz qyzmetiniń máli­metinshe, Memleket basshy­sy aza­mat­tardy aqparat­tyq keńis­tik­tegi yqtımal arandatý­shylyqtarǵa boı aldyrmaýǵa shaqyrdy. – Qazir quqyq qorǵaý organ­dary jumys istep jatyr, qaskúnem­derdiń kim jáne qandaı maqsat kózdegenin anyqtaýda. Jurt kóp jınalatyn oryndardy qorǵap, jaralanǵandarǵa medısınalyq kómek kórsetý jóninde jedel shara­lar qabyldaý kerek. Qylmys­ker­lerdi anyqtaý úshin shuǵyl túrde tolyq tergeý júrgizý qajet. Sondaı-aq, Almaty turǵyndaryna turaqty túrde málimet berip, jalpy qoǵamdyq tynyshtyqty qamtamasyz etý kerek. Qaýeset taratýshylardyń aıaýsyz túrde jolyn kesip, aran­datý­shylardy anyqtaý mańyz­dy. Almatydaǵy jáne respýb­lıkadaǵy barlyq azamattar tártipti retke keltirý úshin eń qatań sharalar qabyldanyp jatqanyna senim­di bolýǵa tıis, – dedi Qazaqstan Prezıdenti. Otyrys qorytyndysy boıyn­sha Nursultan Nazarbaev Ishki ister mınıstrine oqıǵa ornyna barýdy jáne Almaty qalasynyń ákimimen birle­sip, qaladaǵy jaǵdaıdy turaqtandyrý jóninde sharalar qabyldaýdy tapsyrdy. Sonymen qatar, Memleket basshy­sy Aqparat jáne kom­mý­nı­­kasııalar mı­nıstrligine aza­mat­tardyń barlyq saýal­­daryna jedel jaýap berip, halyqqa ýaq­tyly jáne tolyq aqparat berip otyrýdy tapsyrdy. Sýretti túsirgender S.BONDARENKO, B.OTARBAEV