Qazaqstan Respýblıkasy 2016 jylǵy shildeniń 15-inen 16-syna qaraǵan túni uıymdastyrylǵan baýyrlas Túrik Respýblıkasyndaǵy áskerı tóńkeris áreketi týraly aqparatty úlken alańdaýshylyqpen qabyldady.
Qazaqstan demokratııalyq jolmen saılanǵan qazirgi Túrik Respýblıkasynyń Úkimetin naqty qoldaıdy. Áskerı zańsyz ádistermen bılik basyna kelý áreketi óreskel bolyp tabylady jáne Túrkııanyń turaqty damýy men gúldenýine kedergi bolady.
Osy oqıǵa saldarynan qurbandardyń bolýyna oraı túrik halqyna shynaıy kóńil aıtamyz.
Qazaqstan Respýblıkasy baýyrlas Túrkııanyń demokratııalyq baǵytyn qoldaıdy jáne qalyptasqan ahýaldyń odan ári qantógissiz tez arada sheshilýine úmittenedi.