Eýropa fýtbolynda 2020 jylǵa qaraı jańa Chempıondar lıgasy iske qosylýy ábden yqtımal. Life portalynyń habarlaýynsha, Reseı fýtbol odaǵy atqarý komıtetiniń múshesi Anatolıı Vorobev ıspannyń jáne ıtalıannyń jetekshi klýbtary osyndaı usynys jasap jatqanyn málimdegen.
A.Vorobevtiń pikirinshe, endi tek Eýropa fýtbol assosıasııalary odaǵy men ulttyq fýtbol federasııalarynyń jańa pishim jóninde kelisimge kelýleriniń ózine birneshe jyl ýaqyt ketip qalady.
«Keleshekte jańa fýtbol lıgasyn qurý jónindegi ıdeıa júzege asatyn bolady. Biraq aldaǵy eki-úsh jyldyń ishinde emes, ol 2020 jylǵa qaraı júzege asady. ÝEFA ázirge jarysty qazirgi pishiminde ótkize beredi. Al alda kúntizbe jóninde ulttyq fýtbol federasııalarymen jáne lıgalarmen kelisip alý qajet», - dep esepteıdi Vorobev.
Budan buryn Ispanııa men Italııanyń iri fýtbol klýbtarynyń týrnırdiń kommersııalyq tabysy jaǵyn kóbeıte túsý maqmsatynda jańa Chempıondar lıgasyn qurý jóninde usynys bildirip jatqandary habarlanǵan bolatyn. Sonyń ishinde Chempıondar lıgasyndaǵy komandalar sanyn 16-ǵa deıin qysqartý jóninde tarmaq bolǵan.
Damır QOJAMQUL