О́ńirdegi gaz quıý stansalary negizinen qoǵamdyq ǵımarattardan jáne avtojoldardan belgili bir qashyqtyqta ornalasý normalaryn buzǵan, dep habarlaıdy Egemen.kz.
О́tken jyly Pavlodar oblysy tótenshe jaǵdaılar departamentiniń qyzmetkerleri túrli zań buzýshylyqtarǵa jol bergeni úshin 94 avtogaz beketiniń 32-siniń qyzmetin ýaqytsha toqtatqan.
«Kemshilikterdiń basym bóligi qaýipsiz araqashyqtyqtyń saqtalmaýyna qatysty. Qurylys normalary boıynsha gaz quıý stansalary qoǵamdyq ǵımarattardan keminde 50 metr jáne joldan 10 metr qashyqtyqta ornalasýy tıis», deıdi óńirlik tótenshe jaǵdaılar departamenti bastyǵynyń orynbasary Maqsat Jumabekov.
Zań buzýshylyqtar joıylǵannan keıin avtogaz beketteri óz jumysyn qaıta jalǵastyrǵan.
Eske sala keteıik, qazirgi ýaqytta Májilis depýtattary qarap jatqan jańa zań jobasy boıynsha keleshekte avtogaz quıý stansııalary rezervýarlaryn jer astyna ornalastyrýǵa mindetteledi. 2031 jylǵa qaraı Qazaqstandaǵy barlyq gaz beketteriniń rezervýarlary jer astynda ornalasýy tıis bolady.