Qonaev qalasynda «Jańa Konstıtýsııa: ornyqty damýdaǵy qoǵamdyq dıalog pen jastardyń róli» taqyrybynda jastarmen kezdesý ótti. Is-sharaǵa «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasynyń músheleri jáne oblystyń qoǵamdyq-saıası ómirine belsendi aralasyp júrgen óńirdiń jas býyny qatysty, dep habarlaıdy Egemen.kz.
Kezdesý barysynda 15 naýryzǵa belgilengen respýblıkalyq referendýmda usynylatyn jańa Konstıtýsııa jobasynyń negizgi baǵyttary talqylandy. Qatysýshylar jańa Ata zańnyń adamǵa baǵdarlanǵan sıpaty, ádilettilik qaǵıdattaryn nyǵaıtý, zań ústemdigin kúsheıtý jáne jastardyń el damýyna qatysý múmkindikterin keńeıtý máselelerine toqtaldy.
Jıyndy ashqan Parlament Májilisiniń depýtaty, jalpyulttyq koalısııa múshesi Anas Baqqojaev jańa Konstıtýsııanyń qoǵam suranysynan týyndaǵan qujat ekenin atap ótti.
«Bul reforma – qoǵammen júrgizilgen keń dıalogtyń nátıjesi. Myńdaǵan usynys eskerilip, jańa Konstıtýsııa jobasy ashyq talqylaý negizinde ázirlendi. Onda memlekettiń basty qundylyǵy – adam jáne onyń quqyqtary ekeni naqty bekitiledi. Jastar úshin bul – teń múmkindikterge, ádil básekege jáne zań ústemdigine negizdelgen bolashaqtyń kepili», dedi Anas Baqqojaev.
О́z kezeginde óńirlik koalısııa jetekshisiniń orynbasary Serik Nurqadirov jańa Konstıtýsııanyń strategııalyq basymdyqtaryna toqtaldy.
«Joba memlekettiń damý modelin jańǵyrtady. Basty nazar adam kapıtalyna – bilimge, ǵylymǵa, ınnovasııaǵa aýdarylady. Jastardyń sapaly bilim alýy, kásibı qalyptasýy jáne azamattyq bastamalaryn erkin júzege asyrýy konstıtýsııalyq deńgeıde qoldaý tabady. Sondaı-aq sıfrlyq ortadaǵy quqyqtardy qorǵaý normasynyń engizilýi – jańa dáýir talaptaryna berilgen naqty jaýap», dedi ol.
Sonymen qatar, koalısııa músheleri Qazybek Daýtalıev pen Sergeı Gorıanoı konstıtýsııalyq reformanyń qoǵamdyq kelisimdi nyǵaıtýdaǵy róline jáne azamattardyń, ásirese jastardyń belsendi qatysýynyń mańyzdylyǵyna toqtaldy.Kezdesý barysynda jastar óz usynystaryn bildirip, jańa Konstıtýsııa jobasyna qoldaý tanytty.
Qatysýshylar aldaǵy referendým – el damýynyń jańa kezeńin aıqyndaıtyn mańyzdy saıası naýqan ekenin atap ótti.
Elimizdiń kınoteatrlarynda jańa Konstıtýsııany qoldaýǵa arnalǵan beınerolıkter kórsetildi
Aıta keteıik, «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasy óńirlerde aqparattyq-túsindirý jumystaryn jalǵastyryp, azamattardyń barlyq saýalyna jaýap berýge daıyn ekenin málimdedi.
Astanada match kezinde Konstıtýsııalyq reformalardy qoldaýǵa arnalǵan erekshe aksııa ótti