AQSh prezıdenti Donald Tramp barlyq elden keletin ımportqa 10 paıyzdyq kedendik baj salyǵyn engizý týraly jarlyqqa qol qoıdy. Jańa tarıfter 24 aqpannan bastap kúshine enedi, dep jazady Egemen.kz.
«Barlyq elder úshin 10 paıyz mólsherindegi jahandyq baj salyǵyna qol qoıǵanymdy habarlaý men úshin úlken mártebe. Ol is júzinde birden kúshine enedi», dep jazdy Tramp Truth Social áleýmettik jelisinde.
Reuters agenttiginiń habarlaýynsha, Tramp Joǵarǵy sot kúshin joıǵan tarıfterdiń ornyna 150 kún merzimge ýaqytsha 10 paıyzdyq baj salyǵyn engizgen. Sondaı-aq ol ózine tarıfterdi qaıta engizýge múmkindik beretin ózge de zańnamalyq normalarǵa sáıkes jańa tergeýler júrgizýdi tapsyrǵan.
Jańa baj salyǵy 1974 jylǵy Saýda týraly zańnyń 122-bólimine sáıkes 24 aqpanda kúshine enedi.
Sonymen qatar, Tramp 2025 jyldyń basynan bastap engizilgen saýda tarıfterin zańsyz dep tanyǵan Joǵarǵy sot sheshimin synǵa aldy.
«Joǵarǵy sottyń tarıfterge qatysty sheshimi kóńil kónshitpeıdi. Keıbir sýdıalarymyzdyń elimiz úshin durys sheshim qabyldaýǵa batyly jetpegeni úshin uıalamyn», dedi ol.
Aıta keteıik, AQSh prezıdenti Donald Tramp Iranmen saýda-sattyq jasaıtyn barlyq elge 25 paıyzdyq baj salyǵyn engizetinin málimdegen edi.
AQSh-tyń Iranmen baılanysy bar elderge salǵan 25% baj salyǵy: Qazaqstannyń ustanymy qandaı?