Parlament Palatalarynyń birlesken otyrysynda Ádilet mınıstri Erlan Sársembaev «Qazaqstan Halyq Keńesi» týraly Konstıtýsııalyq zań jobasyn tanystyrdy. Zań jobasynda Qazaqstan Halyq Keńesiniń maqsat-mindetteri, qyzmet qaǵıdattary men ókilettikteri aıqyndalǵan, dep habarlaıdy Egemen.kz.
О́z sózinde Erlan Sársembaev zań jobasy jalpyulttyq dıalog, qoǵamdyq qatysý jáne «Halyq únine qulaq asatyn memleket» tujyrymdamasy qaǵıdattaryna negizdelgen qoǵam men memlekettiń ózara is-qımylynyń zamanaýı ınstıtýsıonaldyq modelin qalyptastyrýǵa baǵyttalǵanyn atap ótti.
«Konstıtýsııalyq zań jobasynda Qazaqstan Halyq Keńesiniń naqty uıymdastyrýshylyq modeli qalyptastyrylǵan. Negizgi máseleler boıynsha sheshim qabyldaıtyn joǵary basshylyq organ – Sessııa. Onyń quzyretine zań jobalaryn engizý jáne referendým ótkizý týraly bastamalar da kiredi. Sessııalar aralyǵynda aǵymdaǵy qyzmetti júzege asyryp, sheshimderdi daıyndaýdy qamtamasyz etetin alqaly organ – Tóralqa jumys isteıdi», dedi mınıstr.
Zań jobasynda «Qazaqstan Halyq Keńesiniń» quramyn qalyptastyrý máselelerine erekshe nazar aýdarylǵan. Etnomádenı birlestikterdiń, qoǵamdyq uıymdar men kommersııalyq emes sektordyń, sondaı-aq máslıhattar men qoǵamdyq keńesterdiń teńgerimdi ári teń ókildigi kózdeledi.
«Qazaqstan Halyq Keńesiniń quramy atalǵan toptardyń usynymdaryn eskere otyryp, 42 músheden teń dárejede qalyptastyrylatyn bolady. Mundaı tásil ártúrli qoǵamdyq múddelerdi eskerýge jáne ortaq kelisilgen ustanymdy qalyptastyrýǵa múmkindik beredi», dedi Erlan Sársembaev.
Parlamentte Halyq keńesi týraly zań jobasy qaralady
Mınıstrdiń sózinshe, zań jobasynda Keńestiń azamattyq qoǵam ınstıtýttarymen jáne memlekettik organdarmen respýblıkalyq ári óńirlik deńgeılerde ózara is-qımyl tetikteri bekitiledi.
Eske sala keteıik, buǵan deıin Halyq keńesiniń jumysy qalaı qarjylandyrylatyndyǵyn jazǵan bolatynbyz.