Úkimet Qaraǵandy oblysynda farmasevtıkalyq zaýyt salý jobasyn maquldady. Tıisti qaýlyǵa Premer-mınıstr Oljas Bektenov qol qoıdy, dep habarlaıdy Egemen.kz
Jobany júzege asyrý aıasyndaǵy ınvestısııalyq kelisimge Densaýlyq saqtaý mınıstrligi men «Qaraǵandy farmasevtıkalyq kesheni» JShS qol qoıǵan. Jeke ınvestısııalardyń jalpy kólemi 42,5 mlrd teńgeni quraıdy.
Jańa zaýytta 74 túrli dárilik zat shyǵarý josparlanyp otyr.
«Joba aıasynda dárilik zattardyń 74 ataýyn óndirý josparlanyp otyr. О́ndiristik jeli medısınanyń mańyzdy baǵyttaryn, onyń ishinde, onkologııalyq, aýtoımmýndy jáne orfandyq aýrýlardy emdeýge arnalǵan ınnovasııalyq dárilik preparattardy qamtıdy. Zaýyt áleýmettik mańyzy bar aýrýlardyń aldyn alý men emdeýge qajetti ımmýnobıologııalyq jáne basqa da joǵary tehnologııalyq preparattardy óndirýmen qatar, álemdik standarttar boıynsha belsendi farmasevtıkalyq ıngredıentterdiń, bıologııalyq jáne bıotehnologııalyq ónimderdiń sıntedeýdi jolǵa qoıady» delingen Úkimet baspasóz qyzmetiniń habarlamasynda.
Shymkent farmasevtıkasyna 39,5 mlrd teńge ınvestısııa quıylady
Jobany iske asyrý nátıjesinde 70 jańa jumys orny ashylady. Jalpy, Qazaqstannyń farmasevtıka salasy turaqty ósim kórsetip keledi. 2025 jyly farmasevtıkalyq ónim óndirisiniń kólemi 191,1 mlrd teńgege jetip, 2024 jylmen salystyrǵanda 8,7%-ǵa artqan.
Eske sala keteıik, buǵan deıin Qaraǵandyda 1 mln tonnaǵa deıin metallýrgııalyq koks óndiretin zaýyt salynatyndyǵyn habarlaǵan edik.