Elordada ekinshi áýejaı salý josparlanyp otyr. Osylaısha, qoldanystaǵy áýe aılaǵy keńeıtiledi. Qazirgi ýaqytta nysannyń ornalasý orny boıynsha jobalyq izdestirý jumystary júrgizilip jatyr, dep habarlaıdy Egemen.kz.
Buǵan deıin Memleket basshysy Astanany damytý jaıly keńeste qalanyń kólik-tranzıt áleýetin arttyrý úshin jańa áýejaı salý múmkindigin qarastyrý qajet ekenin aıtqan bolatyn.
Prezıdenttiń aıtýynsha, Úkimet osyǵan qatysty óz ustanymyn aıqyndap, naqty sheshim qabyldaýy qajet. Sondaı-aq Memleket basshysy kommýnaldyq ınfraqurylymdy jedel jańǵyrtýdyń mańyzy zor ekenin atap ótti.
Almaty áýejaıyn sý basty: Mekeme basshylyǵyna qandaı shara qoldanylady?
Qazir Astana qalasynda halyq sanynyń ósý qarqyny joǵary. Sonymen qatar týrıstik aǵyn men áleýmettik-ekonomıkalyq damý perspektıvalary da artyp keledi. Osyǵan baılanysty 2035 jylǵa deıingi qalanyń bas josparyn iske asyrý aıasynda ekinshi áýejaı salý josparlanǵan.
Qazirgi tańda nysannyń ornalasý orny boıynsha jobalyq izdestirý jumystary júrgizilip jatyr. Sondaı-aq qoldanystaǵy áýejaıdy damytý boıynsha keshendi sharalar qolǵa alynǵan. Máselen, ekinshi ushý-qoný jolaǵyn salý jobasy aıasynda jobalyq-izdestirý jumystary qarqyn aldy. Onyń qurylys-montaj jumystary bıylǵa josparlanǵan.
Qazaqstanda 2027 jyly jańa áýejaı ashylady
UQJ №2 paıdalanýǵa berilgennen keıin áýejaıdyń úzdiksiz jumys isteýi qamtamasyz etiledi. Sondaı-aq birinshi ushý-qoný jolaǵyna kúrdeli jóndeý júrgizýge múmkindik týady. Bul jolaq 20 jyldan astam ýaqyt boıy jóndelmegen, sondyqtan ony qazirgi qaýipsizdik jáne paıdalaný standarttaryna saı jańartý qajet.
Budan bólek, áýejaıdyń ótkizý qabileti jylyna 40 mln jolaýshyǵa deıin artady.