Shymkent qalalyq soty 2025 jyly atqarylǵan jumystar jóninde esep berdi. Jıyn «Sot tóreligin júzege asyrýdyń jáne sottardyń qyzmetin uıymdastyrý boıynsha 2025 jyldyń qorytyndylary» degen taqyrypta ótti, dep habarlaıdy Egemen.kz.
Oǵan qalalyq sottyń alqa tóraǵalary, úılestirýshi-sýdıalary, aýdandyq jáne oǵan teńestirilgen sottardyń tóraǵalary, úılestirýshi-sýdıalary, QR Sot ákimshiligi Shymkent boıynsha departamentiniń basshysy qatysty.
Qylmystyq ister jónindegi sot alqasynyń tóraǵasy B. Dúısebekovtiń aıtýynsha, ótken jyly sot 2 856 qylmystyq is qaraǵan. Aldyńǵy jylǵa qaraǵanda byltyrǵy túsken qylmystyq ister sany 18-ge kóp. О́tken jyly qaralyp bitpegen 115 qylmystyq is bıylǵa qalyp otyr. 32 azamattyń sot úkimi joıylyp, 91-ne qatysty úkim ózgergen.
B.Dúısebekovtiń málimdeýinshe, byltyr sybaılas jemqorlyq qylmysymen ustalǵan 34 tulǵaǵa sot bas bostandyǵynan aıyrý jazasyn taǵaıyndaǵan. Dál osyndaı qylmyspen sottalǵan 11 azamat aıyppul jazasyn arqalady. 189 mln teńge kóleminde jalpy aıyppul salynsa, sonyń 180 mıllıony memleket paıdasy óndirildi. Qalǵan 9 mln teńgeniń tóleý merzimi áli aıaqtalmady. Kúzetpen ustaýdyń bultartpaý sharasyn sanksııalaý jóninde 1 377 ótinishhat qaralsa, sonyń 758-i qanaǵattandyrylǵan.
Azamattyq sot isteri jónindegi sot alqasynyń tóraǵasy Láılá Tákishevanyń baıandamasynda aıtylǵandaı, byltyr aýdandyq sottarǵa 60 233 is pen aryz kelip túsken, bul kórsetkish ótken jylmen salystyrǵanda 24.6%-ǵa artqan. Sot qaraǵan isterdiń jartysy jýyǵyn otbasylyq daýlar quraǵan. Sot shyǵarǵan sheshimderdiń 243-i appelıasııalyq satyda óz kúshin joıǵan. Bul shamamen qaralǵan isterdiń 1%-na teń. Sottyń kassasııalyq satysynda 10 qaýly kúshin joıyp, 6 qaýly ózgergen. Sýdıa L.Tákishevanyń málimdeýinshe, 3 692 is tatýlasýmen aıaqtalǵan. Daýlardyń beıbit jolmen sheshilýine medıasııa kóp áserin tıgizgen.
Qazaqstan Sot ákimshiligi Shymkent qalasy boıynsha departamentiniń basshysy Berik Meıirhanov byltyr 17 memlekettik qyzmetker merıtokratııa negizinde joǵary laýazymdarǵa taǵaıyndalǵanyn atap ótti. Sondaı-aq ol sot salasy – ádildik pen zań ústemdigin qamtamasyz etetin jaýapty ári bedeldi sala bolǵandyqtan oǵan jastardy tartyp, kásibı baýlý kerek ekenin málimdedi.
Departament basshysy sot júıesin sıfrlandyrý baǵytynda kóp jumystar atqarylyp jatqanyn baıandady. Máselen osy kúnde sot otyrystaryn azamattar onlaın rejıminde baqylaı alady. Elektrondyq qyzmetterdiń artýyna Tórelik platformasy kóp kómegin tıgizgen. Kompıýter jadynda derekterdiń kóbeıýine baılanysty sot Tórelik-2 platformasyna kóship jatyr.
B.Meıirhanovtyń sózinshe, bul jumystar bıyl jyl sońyna deıin aıaqtalýy tıis. Bul kúnde ózge óńirlerdiń sottary Shymkentte shyǵarylǵan sot sheshimderi, qaýly, úkimderdi onlaın túrde kórip otyrady. Mamannyń pikirinshe, sol arqyly sýdıalar bir-birimen tájirıbe almasyp, kásibı biliktilikterin shyńdaı túsedi.
Sondaı-aq megapolıste quzyrly organdardyń biryńǵaı derekter qory jumys isteıdi. Oǵan sot, prokýratýra, polısııa departamenti basqa da tıisti mekemeler qosylǵan. Osy derekqor bazasynan sot júıesiniń qyzmetkerleri ózine kerekti aqparatty ońaı taýyp alady. Sıfrlyq tehnologııanyń taǵy bir múmkinshiligi qazir sottardyń qaýly, aktileriniń bir bóligin jasandy ıntelleket kómegimen robottar daıyndaıtyn bolǵan. Onyń úlesi búginde 30% bolsa, keleshekte bul kórsetkishti barynsha arttyra túsý josparda bar.
Baspasóz máslıhatynda sottardyń qaıyrymdylyq isterge erekshe kóńil bóletini sóz boldy. Máselen 2019 jyldan beri Shymkent qalalyq soty №4 Balalar úıiniń tárbıelenýshilerin baspanamen qamtamasyz etý isine aralasyp keledi. Búginge deıin sot júıesiniń mamandary osy qaıyrymdylyq iske 80 mln teńge qarajat jumsaǵan. Sonymen birge jyl saıyn Balalar kúnine oraı Balalar úıiniń tárbıelenýshilerin quttyqtap barý ádemi dástúrge aınalǵan.
О́z kezeginde ákimshilik ister jónindegi sot alqasynyń tóraǵasy Gúlmıra Qydyrbaeva memlekettik satyp alý basqarmasyna qatysty sottyń shyǵarǵan jeke uıǵarymyn basshylyqqa alý jóninde Shymkent qalasy ákimdigine buqaralyq aqparat quraldary arqyly arnaıy málimdeme jasady. Onyń aıtýynsha, atalǵan basqarma jyl saıyn óziniń qyzmetin iske asyrý barysynda kóptegen zańbuzýshylyqtarǵa jol beredi. Sonyń saldarynan mektepterdegi tamaqtandyrý salasynda qyzmet atqaratyn kásipkerlermen memelkettik satyp alý boıynsha arada daýlar týyndap jatady. Eń qyzyǵy sot neshe jyldan beri jeke uıǵarym shyǵarǵanymen ol tıisti organdar tarapynan nazarǵa alynbaı keledi.