Zertteý elimizdiń 20 oblysy men respýblıkalyq mańyzy bar 3 qalasyn tolyq qamtydy, dep habarlaıdy Egemen.kz.
Elimizdiń jańa Konstıtýsııa jobasy boıynsha jalpyhalyqtyq referendým qarsańynda qoǵamda qolaıly kóńil-kúı saqtalyp otyr. 18 jastan asqan 1 200 respondenttiń qatysýymen júrgizilgen telefondyq saýalnama nátıjeleri osyndaı qoǵamdyq kóńil-kúıdi aıqyn kórsetti. Zertteý elimizdiń 20 oblysy men respýblıkalyq mańyzy bar 3 qalasyn tolyq qamtydy.
Saýalnama nátıjeleri halyqtyń habardarlyq deńgeıi aıtarlyqtaı joǵary ekenin kórsetti, ıaǵnı, azamattardyń basym bóligi joba mazmunymen belgili bir deńgeıde tanys nemese ol týraly estigen. Saýalnamaǵa qatysýshylardyń 22,5%-y jańa Konstıtýsııamen tanys emes ekenin aıtqan.
Konstıtýsııa jobasy halyq tarapynan eleýli qoldaýǵa ıe ekeni baıqalady. Jalpy alǵanda Konstıtýsııamen qandaı da bir deńgeıde tanys respondentterdiń 78,8%-y qujatty qoldaıdy, onyń ishinde 31,7%-y tolyq qoldaıtynyn bildirse, 47,1%-y kóbine qoldaıtynyn atap ótken.
О́zderiniń kúndelikti ómirine jáne quqyqtyq mártebesine tikeleı áser etetin máseleler azamattardyń erekshe qyzyǵýshylyǵyn týdyryp otyr. Halyq eń kóp talqylanatyn úsh negizgi taqyryp kelesideı:
1. Azamattardyń quqyqtary men bostandyqtary – 35,3%; 2. Áleýmettik kepildikter (bilim berý, densaýlyq saqtaý, zeınetaqy) – 29,5%; 3. Ekologııa máseleleri – 18%.
Sonymen qatar bilim men ǵylym salasyna (17,3%) da aıtarlyqtaı kóńil bólingen. Iаǵnı azamattardyń qyzyǵýshylyq qurylymy eń aldymen olardyń áleýmettik jaǵdaıy men ómir sapasyna tikeleı yqpal etetin normalarǵa baǵyttalǵan.
Saýalnamaǵa qatysqandardyń basym bóligi qujatty daıyndaý jumysyn da oń baǵalap otyr. Respondentterdiń 68,3%-y «Konstıtýsııalyq komıssııa ózine júktelgen mindetti oryndaı aldy» dep esepteıdi, onyń ishinde 16,4%-y buǵan tolyq senimdi, 49,8%-y bul baǵalaýmen negizinen kelisedi.
Sondaı-aq, saýalnama nátıjeleri elektoraldyq belsendiliktiń joǵary deńgeıin kórsetedi. «2026 jyldyń 15 naýryzynda jańa Konstıtýsııany qabyldaý boıynsha referendým ótedi. Siz oǵan qatysasyz ba?» degen suraqqa respondentterdiń 71,4%-y oń jaýap bergen. Onyń ishinde 32,9%-y saılaý ýchaskelerine mindetti túrde keletinin naqty aıtsa, 38,5%-y daýys berýge qatysýynyń yqtımal ekenin jetkizgen.
Konstıtýsııalyq reformany talqylaý negizinen tulǵaaralyq sıpatqa ıe. Azamattar bul máselelerdi kóbine otbasy múshelerimen (37,6%), dostary jáne tanystarymen (34,5%), sondaı-aq áriptesterimen (30,1%) talqylaıdy. Sıfrlyq ortadaǵy pikir almasý salystyrmaly túrde sırek kezdesedi (17,9%).
Áleýmettik jeliler mańyzdy aqparat kózi bolyp qala bergenimen, qoldanýshylardyń basym bóligi baqylaýshy pozısııasynda qalyp otyr: olardyń 59,8%-y pikirtalasqa qatyspaı, jarııalanymdardy tek oqýmen shekteledi.
Osylaısha, saýalnama nátıjeleri jańa Konstıtýsııa jobasynyń qoǵam tarapynan jalpy alǵanda jaǵymdy qabyldanatynyn, halyqtyń habardarlyq deńgeıi joǵary ekenin jáne azamattardyń referendýmǵa qatysýǵa aıtarlyqtaı daıyn ekenin kórsetedi. Degenmen, qoǵamdyq pikirdiń qalyptasý úderisi jalǵasyp jatsa, reformany talqylaý belsendiligi saqtalyp otyr.
Aıta keteıik, saýalnama Instıtýttyń jeke qarajatyna 2026 jylǵy 14-18 aqpan aralyǵynda júrgizildi. Saýalnamaǵa 1 200 respondent qatysty. Zertteýge Qazaqstannyń 17 oblysynan jáne respýblıkalyq mańyzy bar 3 qalasynan (Astana, Almaty jáne Shymkent) 18 jastan asqan azamattar qatysty. Telefondyq saýalnama uıaly baılanys abonentteri arasynda júrgizildi. Saýalnama qazaq jáne orys tilderinde ótkizildi. Statıstıkalyq aýytqýy 2,8%-dan aspaıdy. Saýalnama OSK-nyń jazbasha habarlamasy negizinde júrgizildi.
Jastar Konstıtýsııa jobasyn qoldaıdy
Sonymen qatar, saýalnamaǵa 43,4% er adam jáne 56,6% áıel qatysty, respondentterdiń 64,2%-y qala turǵyndary, 35,8%-y aýyl turǵyndary boldy.
Referendýmǵa arnalǵan resmı saıt iske qosyldy