4 jáne 5 sáýirde Qazaqstannyń basym bóliginde jaýyn-shashyndy aýa raıy kútiledi. «Qazgıdromet» mamandarynyń habarlaýynsha, bul jaǵdaıǵa atmosferalyq qysymnyń aýysýy áser etpek, dep habarlaıdy Egemen.kz.
Eldiń soltústik-batysynda 4 sáýirde qatty jańbyr jaýady. 5 sáýirde ońtústik aımaqtarda da jaýyn-shashyn bolady. Sondaı-aq 5 jáne 6 sáýirde batys óńirlerde nóser kútiledi.
Respýblıkanyń basym bóliginde jel kúsheıip, túnde jáne tańerteń tuman túsedi. Al kúndiz keıbir aımaqtarda burshaq jaýýy yqtımal.
Batysta – +10...+20 gradýs jyly; Soltústikte – +15...+20 gradýs jyly; Shyǵysta aýa temperatýrasy +15...+23 gradýstan +20...+28 gradýsqa deıin kóteriledi.Eske sala keteıik, «Qazgıdromet» 3 sáýir el aýmaǵynda aýa raıy qolaısyz bolatynyn eskertti. Sınoptıkter boljamynsha, búgin elimizdiń basym bóliginde jel kúsheıip, tuman túsedi.